काठमाडौं । दैनिक रूपमा कम्प्युटरमा अभ्यस्त भइरहे पनि हामीलाई त्यसका कतिपय सामान्य कुराको जानकारी नहुन सक्छ । जसले गर्दा हामीले सामान्य काम गर्नलाई पनि गाह्रो प्रक्रिया अपनाइरहेका हुन सक्छौँ ।
आज हामी माइक्रोसफ्ट वर्डको त्यस्तो टिप्सको बारेमा चर्चा गर्दै छौं, जसका माध्यमबाट तपाईंले त्यहाँ भएका फोटो उच्च गुणस्तरमा सेभ गर्न सक्नुहुन्छ ।
विशेषगरी कुनै प्रोजेक्ट वा डकुमेन्टमा काम गर्नुपर्दा हामीले वर्ड फाइलमा काम गर्नुपर्ने हुन्छ । अझ कुनै संस्था वा कम्पनीले वर्ड फाइलमा प्रेस रिलिज पठाएको छ भने त त्यसबाट फोटो सेभ गर्नु आवश्यक हुन्छ ।
त्यस्तै तपाईंले वर्ड फाइलमा नै कसैलाई विभिन्न प्रोजेक्टका फोटो वर्ड फाइलमा पाउनु भएको हुनसक्छ । त्यस वर्ड फाइलमा रहेका फोटो जेपीईजी वा जेपीजी फर्म्याटमा सेभ गर्नु परेको हुनसक्छ ।
त्यसैले तपाईंले दैनिक जीवनका कतिपय काममा वर्ड फाइलमा भएका फोटो सेभ गर्नुपरेको हुनसक्छ । आज हामी वर्ड फाइलमा भएका फोटो कसरी सेभ गर्न सकिन्छ भन्ने विषयमा जानकारी दिन्छौं ।
त्यसका लागि सामान्य दुई प्रक्रिया अपनाउन सक्नुहुन्छ ।
सबैभन्दा पहिले फोटो रहेको वर्ड फाइल खोल्नुहोस् ।
त्यसपछि माथि वायाँपट्टि छेउमा रहेको अफिस बटनमा क्लिक गर्नुहोस् ।
त्यसपछि सेभ एस (Save As) को अप्सनमा ट्याप गर्नुहोस् ।
त्यसपछि फाइल एक्सप्लोररको कुनै फोल्डरमा त्यो वर्ड खुल्छ ।
त्यहाँ तपाईंले सेभ एस टाइप (Save as type) मा वर्ड डकेमेन्ट पहिले नै छानिएको हुन्छ । त्यसमा गएर वेब पेज छान्नुहोस् ।
त्यसपछि फाइल सेभ गर्नुहोस् ।
कुन फोल्डरमा सो फाइल सेभ गर्नुभएको छ भन्ने ख्याल गर्नु आवश्यक हुन्छ ।
त्यसपछि फाइल एक्स्प्लोररमा गएर सो वेब पेज खोल्नुभयो भने ब्राउजरमा फाइल खुल्छ । यो लोकल सर्भरबाट चल्ने भएकाले इन्टरनेट कनेक्सन आवश्यक पर्दैन ।
त्यसपछि तपाईंले त्यहाँ आफूले सेभ गर्नु पर्ने फोटोमा राटइ क्लिक गरेर सेभ गर्न सक्नुहुन्छ ।
यसबाट सेभ हुने फोटोको गुणस्तर कम हुने भएकाले तपाईंले फोटो सेभ गर्न अर्को तरिका अपनाउन सक्नुहुन्छ । त्यसका लागि तलको प्रक्रिया अपनाउनुहोस् ।
सबैभन्दा पहिले फोटो भएको वर्ड फाइलमा जानुहोस् ।
त्यसपछि फोटो सेलेक्ट गरी राइट क्लिक गर्नुहोस् ।
त्यसपछि कपीको अप्सनमा क्लिक गरी फोटो कपी गर्नुहोस् ।
त्यसपछि तपाईंले फोटोशप वा पेन्ट सफ्टवेयर खोलेर सो फोटो पेस्ट गर्नुहोस् ।