यी २८ एपमा भेटियो ‘वालेट ड्रेनिङ’ मालवेयर, कतै तपाईंको फोनमा त छैन ?

टेकपाना

शुक्रबार, श्रावण १३, २०७९

काठमाडौं । सुरक्षा अनुसन्धानकर्ताले एन्ड्रोइड लक्षित अर्को मालवेयर फेला पारेका छन् । गुगल प्ले स्टोरमा उपलब्ध दर्जनौं एपहरूमा ‘वालेट ड्रेनिङ’ नामक मालवेयर देखिएको छ । जसले प्रयोगकर्तालाई नयाँ वेब पेजमा पुर्‍याएर त्यहाँबाट महत्वपूर्ण डेटा संकलन गर्ने जनाइएको छ ।

त्यस्ता मालवेयर युक्त एपहरूमा वालपेपर, कीबोर्ड, फोटा एडिटर, भिडियो एडिटर, क्यास क्लिनर र सिस्टम मेन्टिनेन्स सँग सम्बन्धित छन् । यो सूचीमा कुल २८ ओटा एप समावेश रहेको डक्टर. वेब एन्टिभाइरसको समुहले बताएका छन् ।

अनुसन्धानकर्ताका अनुसार सबै मिलाएर १ करोड भन्दा बढी डाउनलोड भएका यी एपहरूले सामान्यतया अन्य एपहरूले जस्तै गरी प्रयोगकर्ताको डेटा संकलन गर्ने हुन् । जब यी एप मोबाइलमा इन्स्टल हुन्छन् तब एपहरूले प्रयोगकर्ताको डेटा थुत्ने काम गर्छन् । त्यसका लागि यी एपले विज्ञापनको साहयता लिने जनाइएको छ ।

प्रयोगकर्तालाई विज्ञापनमार्फत विभिन्न सेवाका लागि प्रिमियम अकाउन्ट खोल्न लगाएर त्यहाँबाट बैंकिङसँग सम्बन्धित जानकारीका साथै अन्य महत्वपूर्ण डेटा संकलन गर्ने गर्छन् ।

अनुसन्धानकर्ताका अनुसार यो विषयमा गुगललाई जानकारी गराएसँग कतिपय यस्ता एप गुगल प्ले स्टोरबाट हटेका छन् । केही एप प्ले स्टोरमा अझै बाँकी नै छन् । त्यो हुँदा यस्ता एप तत्कालै आफ्नो डिभाइसबाट भने हटाउन उनीहरूको आग्रह छ ।