काठमाडौं । एप्पलले हरेक वर्ष आईफोनकाे नयाँ सिरिज सार्वजिक गर्दै आएकाे छ । याे वर्ष आईफोन १४ सिरिज ल्याउने तयारीमा कम्पनी जुटेकाे छ । तर यसकाे सार्वजनिक मिति घाेषणा भइसकेकाे छैन ।
विगत ११ वर्षयता एप्पलले सेप्टेम्बर-अक्टाेबर महिनामा आईफोन माेडल ल्याएकाे देखिन्छ । त्यसैले पनि आईफोन १४ कहिले सार्वजनिक हुन्छ भन्ने कुरा अनुमान गर्न गाह्रो छैन । सम्भवतः यो वर्ष पनि पहिलेकै समयमा सार्वजनिक हुनसक्छ ।
गत वर्ष सेप्टेम्बर १४ का दिन आईफोन १३ का विभिन्न माेडलकाे घाेषणा भएकाे थियाे ।
यस वर्ष आईफोन १४ मोडलमा आईफोन १४, आईफोन १४ म्याक्स, आईफोन १४ प्रो, आईफोन १४ प्रो म्याक्स आउने अपेक्षा गरिएको छ ।
आईफोन १४ र आईफोन १४ म्याक्समा ६.१ इन्चको डिस्प्ले, क्यामेरा सेट फिचर हुने चर्चा छ ।
त्यसैगरी आईफोन १४ प्रो र आईफोन १४ प्रो म्याक्समा ६.७ इन्चको डिस्प्ले हुने अपेक्षा गरिएको छ । सम्भवतः यी दुई मोडलमा अन्य दुईभन्दा ठूलो ब्याट्री क्षमता रहनेछ ।
आईफोन १४ को घोषणा मितिबारे भविष्यवाणी
एप्पलले आधिकारिक घोषणाको मिति सार्वजनिक नगरे पनि केही संकेत दिएको छ, जसका माध्यमबाट आईफोन १४ घोषणा हुने मिति अनुमान गर्न सकिन्छ ।
सन् २००७ मा पहिलो पटक आईफोन सार्वजनिक भएपनि कम्पनीले आधिकारिक रूपमा २०११ मा आईफोन फोर एसपछि विश्वभरका विभिन्न बजारमा उपलब्ध गराउँदै आएको छ ।
हालसम्म बजारमा आएका आईफोनको घोषणा मिति यहाँ उल्लेख गरिएको छ:
आईफोन फोर एस (मंगलबार, अक्टोबर ४, २०११)
आईफोन ५ (बुधबार, सेप्टेम्बर १२, २०१२)
आईफोन फाइभ एस/फाइभसी (मंगलबार, सेप्टेम्बर १०, २०१३)
आईफोन सिक्स/सिक्स प्लस (मंगलबार, सेप्टेम्बर ९, २०१४)
आईफोन एस/सिक्स प्लस (बुधबार, सेप्टेम्बर ९, २०१५)
आईफोन सेभेन/सेभेन प्लस (मंगलबार, सेप्टेम्बर ७, २०१६)
आईफोन एट/एट प्लस/ एक्स (मंगलबार, सेप्टेम्बर १२, २०१७)
आईफोन एक्सएस/एक्स म्याक्स/ एक्सआर (बुधबार, सेप्टेम्बर १२, २०१८)
आईफोन ११ सिरिज (मंगलबार, सेप्टेम्बर १०, २०१९)
आईफोन १२ सिरिज (मंगलबार, अक्टोबर १३, २०२०)
आईफोन १३ सिरिज (मंगलबार, सेप्टेम्बर १४, २०२१)
पछिल्लो ११ वर्षदेखि आईफोन घोषणा हुने मिति नौ पटकसम्म सेप्टेम्बरमा घोषणा भएको छ भने दुईपटक मात्र अक्टोबरमा घोषणा भएको छ ।
त्यस्तै दुईपटक मात्र सेप्टेम्बर महिनाको पहिलो साता सार्वजनिक भएकोमा बाँकी समय महिनाको दोस्रो सातामा घोषणा गरिएको छ । यसैगरी धेरैपटक मंगलबारकाे दिन घोषणा भएको छ ।
यी सबै कुरालाई अनुमान गर्दा आईफोन १४ सेप्टेम्बर महिनाको दोस्रो साताको मंगलबार घोषणा हुने अपेक्षा गरिएको छ । यसलाई नै आधार मान्ने हो भने यो वर्ष आईफोन १४ मंगलबार, सेप्टेम्बर १३ मा घाेषणा हुनसक्छ ।
आईफोन १४ बजारमा उपलब्ध हुने मिति
घोषणा मितिमा लगाएको तर्क सार्वजनिक हुने मितिमा समेत लगाइएको छ । ११ वर्षदेखि सार्वजनिक भएका मितिलाई नियाल्ने हो भने तल उल्लेख गरिएको मितिमा आईफोन १४ बजारमा उपलब्ध हुने देखिन्छ ।
आईफोन फोर एस (शुक्रबार, अक्टोबर १४, २०११)
आईफोन ५ (शुक्रबार, सेप्टेम्बर २१, २०१२)
आईफोन फाइभ एस/फाइभसी (शुक्रबार, सेप्टेम्बर २०, २०१३)
आईफोन सिक्स/सिक्स प्लस (शुक्रबार, सेप्टेम्बर १९, २०१४)
आईफोन एस/सिक्स प्लस (शुक्रबार, सेप्टेम्बर २६, २०१५)
आईफोन सेभेन/सेभेन प्लस (शुक्रबार, सेप्टेम्बर १६, २०१६)
आईफोन एट/एट प्लस (शुक्रबार, सेप्टेम्बर २२, २०१७)
आईफोन एक्सएस/एक्स म्याक्स (शुक्रबार, अक्टोबर २१, २०१८)
आईफोन एक्सआर (शुक्रबार, अक्टोबर २६, २०१८)
आईफोन ११ सिरिज (शुक्रबार, अक्टोबर २०, २०१९)
आईफोन १२/१२ प्रो (शुक्रबार, अक्टोबर २३, २०२०)
आईफोन १२ मिनि/१२ प्रो म्याक्स (शुक्रबार, नोभेम्बर १३, २०२०)
आईफोन १३ सिरिज (शुक्रबार, सेप्टेम्बर २४, २०२१)
माथि उल्लेख गरिएका विभिन्न मोडेल शुक्रबारका दिनदेखि बजारमा उपलब्ध हुँदै आएका छन् । अक्टोबरमा सार्वजनिक भएका आईफोन एसई मोडेल पनि शुक्रबार नै सार्वजनिक भएको छ ।
सार्वजनिक भएका मितिलाई नियाल्ने हो भने मोडेल घोषणा भएको ९ देखि १० दिनभित्र बजारमा फोन उपलब्ध वा बिक्री सुरू भएको तथ्य छ ।
यसैलाई आधार बनाउने हो भने आईफोन १४ सिरिज सेप्टेम्बर २३ (असोज ७) देखि विश्वबजारमा उपलब्ध हुनसक्छ ।