ट्रेन्डिङ:
पिपुललिङ्कको सेवा नेपालमा पनि, फोरके क्वालिटीमा भिडिओ कलको अनुभव लिन सकिने पीडीएफ फाइललाई फोटोमा परिणत गर्ने सजिलो तरिका ई–चुरोटको लत स्वास्थ्यका लागि हानिकारक सामसङका पुराना फोनमा ब्याट्री फुल्ने दर तीव्र यस्ता छन् एन्ड्रोइड १३ का आकर्षक नयाँ फिचरहरू कस्तो प्रविधि हो आईफोन १४ मा आएको ‘फोटोनिक इन्जिन’ ? लेभनिङ ब्रान्डको विद्युतिय स्कुटर खरिदमा नबिल बैंकले शून्य ब्याजदरमा २ लाखसम्मको ऋण दिने आईफोन १४ सिरिजको माग घट्दा उत्पादन बढाउने योजनाबाट पछि हट्यो एप्पल अब ७३ हजार माथिका मोबाइल ल्याउन नपाइने, आईफोन लगायतका महँगा फोनको आयात ठप्प आईफोन १४ सिरिजको माग घट्दा उत्पादन बढाउने योजनाबाट पछि हट्यो एप्पल
close

पिपुललिङ्कको सेवा नेपालमा पनि, फोरके क्वालिटीमा भिडिओ कलको अनुभव लिन सकिने

टेकपाना टेकपाना

साउन २१, २०७९

पिपुललिङ्कको सेवा नेपालमा पनि, फोरके क्वालिटीमा भिडिओ कलको अनुभव लिन सकिने

काठमाडाैं । भारतीय कम्पनी पिपुललिङ्क युनिफाइड कम्युनिकेसनले आफ्नो सेवा नेपालमा पनि विस्तार गरेको छ । सन् २००७ मा स्थापना भएको यो कम्पनीले विशेषगरी भिडिओ कन्फ्रेसिङ क्षेत्रमा काम गर्दै आएको छ ।

कोरोना महामारीपछि भर्चुअल कन्फ्रेन्स र मिटिङकाे अभ्यास बढेको छ । यसलाई मध्यनजर गर्दै कम्पनीले आफ्ना सेवा सुविधालाइ निरन्तर अपडेट गर्दै आइरहेको छ ।

बजारमा हाल पिपुललिंकका १० बढी क्षेत्रमा सफ्टवेयर सेवा उपलब्ध छन् ।

यसअन्तर्गत भिडिओ मिटिङ प्लेटफर्म इनभिसी (inVC), डाक्टर र बिरामीबीच भिडिओ कन्सल्टेसन प्लेटफर्म इनक्लिनिक (inClinic), भर्चुअल कक्षा प्लेटफर्म इनक्लास (inClass), भिडिओ एपीआई प्लेटफर्म इनएपीआई (inAPI), भर्चुअल शपिङ प्लेटफर्म  इनशप (inShop) लगायत छन् ।

यी सबै क्षेत्रमा भिडिओ कन्फ्रेन्सका लागि कम्पनीले होस्ट मोडललाई पनि विस्थापित गरेको छ । बजारमा स्थापित जुम भिडिओ कन्फेरेसिङभन्दा निकै सस्तो मूल्यमा सेवा उपलब्ध गराउँदै आएको कम्पनीकाे दाबी छ ।

लाइसेन्स रहेसम्म सबै प्रयोगकर्ताले समानान्तर रुपमा आफैँ मिटिङ होस्ट गर्न सक्छन ।

पाँच लाख प्रयोगकर्ताबीच एकैपटक भिडिओ कन्फ्रेन्सिङको सफल परीक्षण समेत गरेको कम्पनीले जनाएको छ ।

पिपुललिंकको भिडिओ कन्फ्रेन्समा प्रयाेगर्ताले ३६० डिग्रीको फाेरके अनुभव पाउनेछन् भने क्यामेराले आफैँ टार्गेट पहिचान गरेर फोकस समेत गर्ने कम्पनीकाे भनाइ छ ।

साथै तपाईंले बाहिरको क्यामेरासँगै अन्य ३ इन-ब्युल्ट क्यामेरा पनि प्रयोग गर्न पाउनुहुन्छ । कम्पनीको inAPI अर्को नयाँ फिचर हो ।

यसमार्फत कम्पनीको एपीआई प्रयोग गरेर प्रयाेगकर्ताले भिडिओ कन्फ्रेन्सिङ प्लेटफर्म inVC को सेवा आफ्नो प्लेटफर्ममा इम्बेड गर्नसक्छन् ।

सबै प्रयोगकर्ताले सजिलैसँग इम्बेड गर्नसक्ने तरिकाले डिजाइन गरिएको यो फिचर निकै सजिलो रहेकाे कम्पनीकाे दाबी छ ।

कम्पनीले निःशुल्क एपीआई उपलब्ध गराउँदै आएको छ भने एपीआई इम्बेड गरेपछि त्यहाँबाट हुने भिडिओ कलमा प्रति मिनेट केही पैसा शुल्क लिने गरेको छ ।

सफ्टवेयरमात्र नभएर हार्डवेयरमा पनि काम गरिरहेको कम्पनीले अटोमेसन, कन्फ्रेन्स रुम सेटअपमा आवश्यक चिप, यूएसबी केबलदेखि क्यामेरासम्मका सामान उपलब्ध गराउँछ ।

३५ बढी देशमा सेवा विस्तार गरिसकेकाे पिपुललिंकको सेवा हालै नेपालमा पनि विस्तार भएको हाे । एभरेस्ट बैंक, एनएमबि बैंक, परराष्ट्र मन्त्रालय, डब्लूएचओ नेपाल,  यूएनडीपी नेपाल लगायतले पिपुललिंकको सेवा लिइरहेका छन् ।

नियोटेरिक नेपालका लागि पिपुललिंकको आधिकारिक वितरकको रूपमा रहेको छ ।