ट्रेन्डिङ:
फेसबुक मेसेन्जरमा आयो ‘बम्प’ फिचर, कसरी प्रयोग गर्ने ? भारतका १३ सहरबाट सुरु हुँदै फाइभजी फायरफक्सले प्रयोगकर्ताका कस्ता डेटा संकलन गर्छ ? यसरी थाहा पाउनुहोस् फोन रिसेट गर्दै हुनुहुन्छ ? यसरी ब्याकअप गर्नुहोस् महत्त्वपूर्ण फाइल स्मार्ट मिटरका लागि प्रति मेगाहर्ज एक करोड २० लाखमा विद्युत प्राधिकरणलाई  फ्रिक्वेन्सी एन्ड्रोइड डिभाइसमा यसकारण चाहिन्छ भीपीएन दशैंमा विदेशबाट आउँदा मोबाइल ल्याउनुभयो ? यस्तो छ एमडीएमएसमा दर्ता गर्ने तरिका एन्ड्रोइड ११ मा डिफल्ट क्यामेराको रुपमा थर्ड पार्टी एप राख्न नपाइने दशैंमा विदेशबाट आउँदा मोबाइल ल्याउनुभयो ? यस्तो छ एमडीएमएसमा दर्ता गर्ने तरिका दशैंमा विदेशबाट आउँदा मोबाइल ल्याउनुभयो ? यस्तो छ एमडीएमएसमा दर्ता गर्ने तरिका
close

फेसबुक मेसेन्जरमा आयो ‘बम्प’ फिचर, कसरी प्रयोग गर्ने ?

टेकपाना टेकपाना

साउन २२, २०७९

फेसबुक मेसेन्जरमा आयो ‘बम्प’ फिचर, कसरी प्रयोग गर्ने ?

काठमाडौं । दैनिक रूपमा प्रयोग भइरहने सामाजिक सञ्जालका एप तथा वेबसाइटमा परिवर्तन, अपडेट तथा अपग्रेड आइरहेका हुन्छन् । हामी प्रायः आफ्नै काममा व्यस्त भइरहने भएकाले कतिपय नयाँ फिचरबारे वास्ता हुँदैन ।

फेसबुकले मेसेन्जर एपका लागि हालै ‘बम्प’ फिचर सार्वजनिक गरेको छ । आज हामी यो कस्तो फिचर हो, कुन अवस्थामा काम लाग्छ भन्ने विषयमा जानकारी दिँदै छौँ ।

सामाजिक सञ्जालका विभिन्न एप्लिकेसनलाई प्रयोगकर्ता अनुकूल बनाउन समय समयमा नयाँ नयाँ फिचर आइरहन्छन्, जसले हाम्रो काम केही सहज बनाइदिएको हुन्छ ।

कतिपय अवस्थामा त्यस्ता फिचर धेरै उपयोगी नभएपछि हटाउने गरेको पनि पाइन्छ ।

आफ्नो प्रतिद्वन्द्वी टिकटकलाई पछि पार्न फेसबुकले पछिल्लो समय थुप्रै उपयोगी फिचरहरू सार्वजनिक गर्दै आएको छ ।

यद्यपि टिकटक र फेसबुकमा त्यति समानता नभए तापनि दुवैलाई सामाजिक सञ्जालकै रूपमा बढी प्रयोग गरिएको पाइन्छ । पछिल्लो समय टिकटकका प्रयोगकर्ता बढ्दै जानु र फेसबुकका प्रयोगकर्ता घट्नुले पनि फेसबुकलाई नयाँ फिचरकाे आवश्यकता बोध भएको छ ।

अब बुझौं ‘बम्प’ फिचर के हाे त ?

मेसेन्जरमा भएको ‘बम्प’ले च्याट रिप्लाईको काम गरेको हुन्छ । उदाहरणका लागि तपाईंलाई मेसेन्जरमा कोही व्यक्तिले छुट्टाछुट्टै प्रश्न सोधिरहेको छ । र, त्यसको एउटा एउटा जवाफ दिनु छ भने रिप्लाई फिचर प्रयोग गरिन्छ ।

अब सो मेसेज बम्प गर्दा म यसको रिप्लाई दिँदैछु भन्ने अर्थ लाग्छ । कतिपय अवस्थामा कुरा गर्दा गर्दै महत्त्वपूर्ण कुरा अर्को व्यक्तिले पढ्न छुटाएको हुनसक्छ ।

त्यस्तो अवस्थामा पनि बम्पको प्रयोग गरेर यो छुट्यो है भन्ने जनाउ दिन सकिन्छ । त्यस्तै कुनै व्यक्तिलाई पहिले भएको कुराकानी सम्झाउनु छ भने पनि बम्पको प्रयोग गर्न सक्नुहुन्छ ।

त्योभन्दा पनि महत्त्वपूर्ण कुरा, यदि कसैले तपाईंले पठाएको मेसेज पढ्न छुटाएको छ भने, मैँले यो मेसेज पठाएको छु भनेर नोटिफिकेसनका रूपमा पनि बम्पको प्रयोग गर्न सकिन्छ ।

मेसेन्जरमा यसरी बम्प गर्नुहोस् कुनै पनि च्याट

-सबैभन्दा पहिले आफ्नो फोनमा गई मेसेन्जर खोल्नुहोस् ।

-त्यसपछि बम्प गर्न चाहेको टेक्स्ट वा फोटोमा केहीबेर ट्याप गर्नुहोस् ।

-त्यसपछि तल दायाँपट्टि रहेको मोर (More) को अप्सनमा जानुहोस् ।

त्यहाँ गएपछि बम्प र रिमुभको अप्सन आउँछ । अब बम्पमा थिच्नुभयो भने सो मेसेज बम्प भएर पठाएको व्यक्तिको इन्बक्समा जान्छ ।