ट्रेन्डिङ:
अमेरिकाका अधिकांश स्टार्टअप आप्रवासीबाट स्थापित आईफोन १४ सिरिजको माग घट्दा उत्पादन बढाउने योजनाबाट पछि हट्यो एप्पल आईफोन १४ मा अनेकौँ समस्या रहेको एप्पलको स्वीकारोक्ति, उचित नहुन सक्छ तत्काल खरिद गर्ने निर्णय टिकटकमा आएको कमेन्ट मन परेन ? डिसलाइक गरिदिनुहोस् यस्तो छ डेलको लिनक्स ल्यापटप ‘भोस्ट्रो ३५१०’ विजय शाहीबारे फेसबुकमा गलत सामग्री पोस्ट ५० मेगापिक्सेल क्यामेरा भएको 'ओप्पो ए१७' बजारमा छुट्टी मनाउन नेपाल आएका क्यानेडेली नागरिकले जन्माएको ‘क्लाउड फ्याक्ट्री’ कुन कम्पनीका ग्राहकको भागमा कति इन्टरनेट ? सामसङ इन्टरनेटबारे तपाईँलाई कति थाहा छ ? जानिराख्नुहोस् यी विषय
close

अमेरिकाका अधिकांश स्टार्टअप आप्रवासीबाट स्थापित

टेकपाना टेकपाना

साउन २३, २०७९

अमेरिकाका अधिकांश स्टार्टअप आप्रवासीबाट स्थापित

काठमाडाैँ । पोल्याण्डका टमस गाेर्नी एक आप्रवासीका रूपमा अमेरिका पुगेका थिए । अमेरिका पुगेपछि उनले सुरूमा जुठा भाडा माझे । अरू सामान्य काम गरे । काम गर्दै पैसा बचत गर्न थाले । सोही बचतबाट ग्रोनीले सन् २००१ मा प्रविधि कम्पनी ‘आईपावर’ खडा गरे ।

आईपावर डोमेन र वेब होस्टिङसँग सम्बन्धित कम्पनी हो । स्थापना गरेकाे १० वर्षपछि उनले सो कम्पनी एक अर्ब डलरमा वारबर्ग र गोल्डम्यान साक्सलाई बिक्री गरे ।

त्यसपछि उनले सन् २००६ मा आफ्नो साथीसँग मिलेर फाेन र भिडिओ कन्फेरेन्सिङ कम्पनी ‘नेक्स्टिभा’ स्थापना गरे । हाल २.७ अर्ब डलरभन्दा बढी मूल्य भएको उक्त कम्पनीको कार्यकारी अधिकृत टमस ग्रोनी नै छन् ।

अमेरिकामा मूल्यवान (मस्ट भ्यालुएबल) स्टार्टअप स्थापना गर्नेहरू अधिकांश आप्रवासी रहेका छन् । नेसनल फाउन्डेसन फर अमेरिकन पाेलिसीले गरेकाे एक सर्वेक्षणअनुसार अमेरिकामा मूल्यवान स्टार्टअप स्थापना गर्ने आधाभन्दा बढी स्टार्टअप आप्रवासीले स्थापना गरेका हुन् ।

यसअनुसार अमेरिकामा एक अर्ब डलर (एक खर्ब २५ करोड रुपैयाँ) भन्दा बढी मूल्य भएका स्टार्टअपमध्ये ५५ प्रतिशत (५८२ मध्ये ३१९) आप्रवासीहरूले स्थापना गरेका छन् ।

यसबाहेक लगभग दुई तिहाई (६४ प्रतिशत) एक अर्ब डलर (करिब १ खर्ब २५ अर्ब रुपैयाँ) भन्दा बढी मूल्य भएका युनिकर्न (स्टक मार्केटमा नभएर निजी रूपमा सञ्चालित बिलियन डलर कम्पनी) आप्रवासीहरू वा आप्रवासीहरूका छोराछोरीहरूद्वारा स्थापित छन् ।

यसका साथै ८० प्रतिशत युनिकर्न कम्पनीहरूमा कुनै न कुनै भूमिकामा (संस्थापक वा प्रमुख नेतृत्व भूमिकामा) एक आप्रवासी हुने पनि सर्वेक्षणले देखाएकाे छ ।

याे सर्वेक्षण सन् २०१६ र २०१८ मा नेस्नल फाउन्डेसन फार अमेरिकन पाेलिसीद्वारा गरिएकाे अध्ययनकाे अपडेट हाे । त्यस्तै यस सर्वेक्षणमा सीबी इनसाइटज् (CB Insights) द्वारा ट्र्याक गरिएका ५८० भन्दा बढी युनिकर्न कम्पनीका संस्थापकहरूको जानकारी सङ्कलन र प्रमाणीकरण समावेश गरिएको छ ।

बिलियन डलर कम्पनीका प्रायः आप्रवासी संस्थापकहरूको जीवन कथा सम्झनलायक छन् । त्यसैमध्येका एक हुन्, अर्जेन्टिनाका गुइलेर्मो राउच ।

उनले वेब डेभलपरहरूका लागि क्लाउड प्लेटफर्म ‘भर्ससेल’ स्थापना गरेका छन् । ४०० बढी कर्मचारीहरू भएको उक्त कम्पनीको मूल्य अहिले साढे २.५ अर्ब डलर (३ खर्ब १४ अर्ब रुपैयाँ) रहेको छ ।

राउचले सानै उमेरमा सफ्टवेयर म्यानुअल पढेर अँग्रेजी सिकेका थिए । धेरै आविष्कारहरू उद्यमशीलतामार्फत मात्र प्राप्त हुन्छन्, जसको ज्वलन्त उदाहरण हुन् निकोला टेस्ला र एलेक्ज्याण्डर ग्राहमबेल ।

आप्रवासीका रूपमा रहेका टेस्ला र ग्राहमबेलले उपयोगी सामग्रीको विकास गर्नुका साथै  कम्पनी स्थापना गरेका थिए ।

अमेरिकी कानुन अनुसार त्यहाँ स्टार्टअप भिसा छैन । जसकारण आप्रवासी उद्यमीहरूले व्यवसाय सुरु गरेर स्थायी बसोबास प्राप्त गर्न सक्दैनन् । यसकारण बिलियन डलरभन्दा बढी मूल्य भएकाे कम्पनीका आप्रवासी संस्थापकहरूले शरणार्थी भएर वा रोजगार गर्ने आप्रवासीको रूपमा रहेर ग्रीन कार्ड प्राप्त गर्ने गर्छन् ।

त्यस्तै कतिपय  बालबालिकाकाे रूपमा परिवारसँगै अमेरिका आएका हुन्छन् । अमेरिकामा बिलियन डलर मूल्य भएका स्टार्टअप कम्पनीमध्ये एक चौथाई (५८२ मा १४३)  कम्पनीका संस्थापक अन्तर्राष्ट्रिय विद्यार्थीका रूपमा अमेरिका गएकाहरू छन् ।

सामान्यतः एचवानबी (H-1B) स्टाटस र स्नातकपछि अन्तर्राष्ट्रिय विद्यार्थीले अमेरिकामा बस्नका लागि रोजगारमा आधारित ग्रीन कार्ड प्राप्त गर्छन् । सर्वेक्षणले थप दुई तथ्य पनि बाहिर निकालेकाे छ ।

३०० बढी आप्रवासीद्वारा स्थापित कम्पनीकाे सामूहिक मूल्य १.२ ट्रिलियन डलर रहेको छ । जुन अर्जेन्टिना, कोलम्बिया र मेक्सिको लगायत धेरै देशको मुख्य स्टक बजारमा सूचीबद्ध सबै कम्पनीहरू भन्दा बढी हाे ।

त्यस्तै आप्रवासी संस्थापकहरू भएका बिलियनडलर कम्पनीहरूले प्रति कम्पनी औसत ८५९ रोजगारी सिर्जना गरेका छन् । जसमा अधिकांश कर्मचारी संयुक्त राज्य अमेरिकका रहेका छन् ।