ट्रेन्डिङ:
कार्यालय बाहिर वा बिदामा हुनुहुन्छ ? प्रयोग गर्नुहोस् जीमेलको यो उपयोगी फिचर सञ्चारकर्मी भूषण दाहालको इन्स्टाग्राम अकाउन्ट ह्याक गरी बिटक्वाइनको प्रचार आईफोन १४ सिरिजको माग घट्दा उत्पादन बढाउने योजनाबाट पछि हट्यो एप्पल ल्यापटप सिधै अफ गर्ने बानी छ ? ख्याल राख्नुस् यी कुरा आईफोन १४ सिरिजको माग घट्दा उत्पादन बढाउने योजनाबाट पछि हट्यो एप्पल आईफोन १४ सिरिजको माग घट्दा उत्पादन बढाउने योजनाबाट पछि हट्यो एप्पल कम्प्युटरमै यसरी हेर्नुहोस् मोबाइलको नोटिफिकेसन आईफोन १४ सिरिजको माग घट्दा उत्पादन बढाउने योजनाबाट पछि हट्यो एप्पल कोडिङमा रूचि राख्नेहरूका लागि भरतपुरमा राष्ट्रिय स्तरको ह्याकाथन हुँदै दुई महिनामा नेपाल भित्रिए ७ करोड मूल्यका स्मार्टवाच
close

कार्यालय बाहिर वा बिदामा हुनुहुन्छ ? प्रयोग गर्नुहोस् जीमेलको यो उपयोगी फिचर

टेकपाना टेकपाना

साउन २४, २०७९

कार्यालय बाहिर वा बिदामा हुनुहुन्छ ? प्रयोग गर्नुहोस् जीमेलको यो उपयोगी फिचर

काठमाडौं । कार्यालयबाट बिदामा बस्दा पनि तपाईंलाई विभिन्न ईमेल आइरहेका हुन्छन् । पठाउने व्यक्ति वा संस्थालाई तपाईं बिदामा बस्नुभएकाे छ भन्ने कुरा थाहा हुँदैन । जसले गर्दा उनीहरू तपाईंको जवाफ/प्रतिक्रियाको प्रतीक्षामा हुन्छन् ।

याे प्राय सबै पेशेवर व्यक्तिले भाेगिरहने अवस्था हाे । यसका लागि जीमेलकाे ‘भ्याकेसन रेस्पोन्डर फिचर’ उपयुक्त हुनसक्छ । यसबाट ईमेल पठाउने व्यक्तिलाई आफू बिदामा बसेको जानकारी दिन सकिन्छ ।

यो फिचर अन गरेपछि ईमेल पठाउने व्यक्तिले स्वतः तपाईं बिदामा हुनुहुन्छ भन्ने जवाफ पाउँछ । त्यस्तै तपाईंले आफ्नो जवाफ कुन समयमा पठाउने, प्रतिक्रियामा के के लेख्ने भन्ने कुरा छान्न पाउनुहुन्छ ।

जीमेलमा ‘भ्याकेसन रेस्पोन्डर’ एक्टिभेट गर्नका लागि तलको प्रक्रिया अपनाउनुहोस्:

-सबैभन्दा पहिले ब्राउजरमा गएर जीमेल खोल्नुहोस् ।

-त्यसपछि माथि दायाँपट्टि रहेको सेटिङको आइकनमा क्लिक गर्नुहोस् ।

-त्यसपछि सी अल सेटिङमा क्लिक गर्नुहोस् ।

  • त्यसपछि स्क्रोल गर्दै तल अन्तिममा गएर ‘भ्याकेसन रेस्पोन्डर’ भन्ने सेक्सन देख्न सक्नुहुन्छ ।
  • त्यसमा रहेको ‘भ्याकेसन रेस्पोन्डर अन’ भन्ने अप्सन छान्नुहोस् ।
  • त्यसपछि ‘फस्ट डे’को बक्समा कहिलेबाट बिदा बस्ने त्यो मिति छान्नुहोस् ।
  • त्यस्तै ‘लास्ट डे’को ठाउँमा अन्तिम मिति छान्नुहोस् ।
  • त्यसपछि ‘सब्जेक्ट’मा विषय छान्नुहोस् । अन्तिममा रहेको मेसेजमा आफू ईमेलको प्रतिक्रिया दिन नसक्ने सन्देश लेख्नुहोस् ।
  • त्यसपछि तल ‘सेभ चेन्ज’मा क्लिक गर्नुहोस् ।
  • यति गरिसक्नुभयो भने तपाईंलाई ईमल पठाउने जोकोहीलाई बिदाको समयावधिमा तपाईंले प्रतिक्रिया दिन नसक्ने सन्देश जान्छ ।