काठमाडाैं । आमिर खान अभिनित बहुप्रतिक्षित चलचित्र ‘लाल सिंह चड्डा’ अनलाइनमा लिक भएकाे छ ।
रक्षाबन्धनको अवसरमा आज बिहीबारदेखि सिने घरहरुमा रिलिज भएको याे चलचित्र विभिन्न टाेरेन्ट साइटमा लिक भएकाे हाे ।
हलहरुमा रिलिज भएकै दिन अनलाइनमा लिक भएकाे याे पहिलाे चलचित्र भने हाेइन । यसबाहेक केजीएफ च्याप्टर टु, आरआरआर, भुलभुलैया टु लगायतका चर्चित चलचित्रहरु पनि रिलिज भएकै दिन टाेरेन्ट साइटमा लिक भएका थिए ।
अद्वैत चन्दनद्वारा निर्देशित ‘लाल सिंह चड्डा’ टम ह्याङ्क अभिनित ‘फाेरेस्ट गम्प’ को भारतीय रूपान्तरण हो ।