ट्रेन्डिङ:
कम्प्युटरमा छरितोसँग काम गर्न यसरी बनाउनुहोस् ट्याबकाे छुट्टाछुट्टै ग्रुप आईफोन १४ सिरिजको माग घट्दा उत्पादन बढाउने योजनाबाट पछि हट्यो एप्पल यस्तो छ टेलिकम कम्पनीको दशैं अफर स्प्यारो भ्वाइस सेवा सुरू, एकैपटक हजारौंलाई भ्वाइस म्यासेज पठाउन सकिने अनलाइन क्लासबाट अनलाइन स्कुलमा अघि बढेको प्रिमियर स्कुल नेपाल टेलिकमले ल्यायो दशैं अफर, अनलिमिटेड डेटादेखि रिचार्जमा बोनससम्म आईफोन १४ सिरिजको माग घट्दा उत्पादन बढाउने योजनाबाट पछि हट्यो एप्पल सामसङ इन्टरनेटबारे तपाईँलाई कति थाहा छ ? जानिराख्नुहोस् यी विषय आईफोन १४ सिरिजको माग घट्दा उत्पादन बढाउने योजनाबाट पछि हट्यो एप्पल यसरी टिकाउनुहोस् लामो समयसम्म आफ्नो स्मार्टफोन
close

कम्प्युटरमा छरितोसँग काम गर्न यसरी बनाउनुहोस् ट्याबकाे छुट्टाछुट्टै ग्रुप

टेकपाना टेकपाना

साउन २७, २०७९

कम्प्युटरमा छरितोसँग काम गर्न यसरी बनाउनुहोस् ट्याबकाे छुट्टाछुट्टै ग्रुप

काठमाडाैं  । गुगल क्राेम एक लोकप्रिय वेब ब्राउजर हाे । यसकाे सहयोगमा हामी इन्टरनेटमा अनेक सामग्री उपभोग गरिरहेका हुन्छौँ । त्यसक्रममा ब्राउजरमा अनेकौँ ट्याबहरूको थुप्रो लाग्छ । यसरी धेरै ट्याबहरू हुँदा काम गर्न अप्ठ्याराे हुन्छ । तर यस्तोमा ट्याबकाे ‘ग्रुप’ अर्थात समूह बनाएर काम गर्ने हो भने सहज हुन्छ । आज हामी तपाईँलाई ल्यापटप वा डेस्कटपमा गुगल क्राेम प्रयोग गर्दा ट्याबहरूलाई कसरी व्यवस्थित  गर्ने भन्ने विषयमा बताउँदै छौँ । 

  • सबैभन्दा पहिला आफ्नो कम्प्युटरमा गुगल क्राेम खोल्नुहोस् ।

  • त्यसपछि ‘ट्याब’ माथि माउसको कर्सर लगेर ‘राइट क्लिक’ गर्नुहाेस् ।
  • अब त्यहाँ देखिएको ‘एड ट्याब टु न्यु ग्रुप’ मा क्लिक गर्नुहाेस् ।
  • ग्रुपकाे नाम राख्नुहाेस् र सजिलाेको लागि कुनै रङ्ग छान्नु हाेस् । यहाँ हामीले ‘ग्रुप’को नाम ‘Social Media’ राखेर निलो रङ्ग छानेका छाैँ । 
  • त्यही ‘ग्रुप’मा नयाँ ट्याब थप्न नयाँ ‘ट्याब’ खाेल्नुहाेस् । त्याे ट्याबमा पनि ‘राइट क्लिक’ गर्नुहाेस् र ‘एड ट्याब टु ग्रुप’ मा क्लिक गर्नुहाेस् । त्यहाँ तपाईँले पहिले नै बनाएकाे ग्रुपकाे नाम र रङ्ग देखिन्छ । अब त्यहाँ  क्लिक गरेपछि नयाँ ट्याब पहिलेकाे ग्रुपमा थपिन्छ । 
  • धेरै ग्रुपहरू बनाउँदा रङ्गका कारण कुन ट्याब कुन ग्रुपकाे हाे भनेर छुट्टाउन सजिलो हुन्छ । जस्तै: यहाँ तल फेसबुक, इन्स्टाग्राम र लिङ्कडिनलाई  निलाे रङ्गले साेसल मिडिया ग्रुपका हुन् भनेर जनाइरहेको छ भने टेकपाना, ईकान्तिपुर र ईकागजलाई राताे रङ्गले यी न्युज मिडिया हुन् भनेर बुझाइ रहेकाे छ ।

यसरी नै तपाईँले ल्यापटप वा डेस्कटपमा ट्याबहरूका विभिन्न ‘ग्रुप’ बनाउन सक्नु हुनेछ । याे फिचर माेबाइल फाेनमा पनि उपलब्ध छ । माेबाइल फाेनमा पनि ट्याबहरूकाे ‘ग्रुप’ बनाउन चाहनु हुन्छ भने यहाँ क्लिक गर्नुहाेस् ।