ट्रेन्डिङ:
मोबाइलको नोटमा लेखिएका सामग्री सोझै कम्प्युटरमा सेभ गर्ने सजिलो तरिका वर्ल्डलिंकको दशैं अफर, १६०० रुपैयाँमै १०० एमबीपीएसको इन्टरनेट र नेटटिभी तातो खाना फ्रिजमा राख्दा के हुन्छ ? दशैंमा विदेशबाट आउँदा मोबाइल ल्याउनुभयो ? यस्तो छ एमडीएमएसमा दर्ता गर्ने तरिका तातो खाना फ्रिजमा राख्दा के हुन्छ ? राम्रो इन्टरनेट स्पिडका लागि कहाँ राख्ने राउटर ? भारतीय दूरसञ्चार कम्पनीले फाइभजी पूर्वाधारमा २५ खर्ब लगानी गर्ने आजसम्म तपाईँले कुन कुन मोबाइल एप चलाउनुभयो ? यस्तो छ थाहा पाउने सजिलो तरिका वाईफाई सुरक्षित राख्न अपनाउनुहोस् यी ५ टिप्स ‘हाम्रो पात्रो’ एपबाट अब च्याट, अडियो र भिडियो कल गर्न सकिने
close

मोबाइलको नोटमा लेखिएका सामग्री सोझै कम्प्युटरमा सेभ गर्ने सजिलो तरिका

टेकपाना टेकपाना

साउन २७, २०७९

मोबाइलको नोटमा लेखिएका सामग्री सोझै कम्प्युटरमा सेभ गर्ने सजिलो तरिका

काठमाडौं । प्रविधिको प्रयोग बढेसँगै हामी दैनिक रूपमा फोन तथा कम्प्युटरमा सक्रिय हुन्छौं । प्रायः काम फोनबाट हुनेहुँदा हाम्रो धेरै समय फोनमै बित्छ । यस्तोमा हामी मध्ये धेरैको बानी आफूलाई लागेका वा लेख्नुपर्ने कुरा फोनको नोटमा राखिरहेका हुन्छौं । जसलाई पछि कम्प्युटरमा सार्नु पर्दा निकै झन्झट हुने गर्छ ।

कतिपय अवस्थामा वा कतै घुम्न जाँदा कम्प्युटरमा लेख्ने भन्दा पनि हामी फोनमा लेख्न रुचाउँछौं । त्यसरी फोनको नोटमा लेखेका कुरा कम्प्युटरमा पठाउनका लागि म्यासेजिङ एप अथवा ईमेलको भर पर्नुपर्ने हुन्छ । सार्न भ्याउँदा त  झन्झटिलो यही प्रक्रिया अपनाएरै भएपनि नोटमा लेखिएका कुरा कम्प्युटरमा सारिन्छ ।

तर, कहिलेकाहीँ हाम्रो फोनमा समस्या आयो वा अन्य कुनै कारणवश फोन फ्याक्ट्री रिसेट (सम्पूर्ण फाइल हटाउने) गर्नुपर्‍यो भने त्यस्तोमा नोटमा लेखिएका सबै कुरा गुम्न सक्छ । यस्तोमा मोबाइलको नोटमा लेखिएका महत्वपूर्ण कुरालाई सोझै कम्प्युटरमा कसरी सार्ने अथवा सोझै कम्प्युटरबाटै कसरी पहुँच बनाउने भन्ने विषयमा यहाँ हामी तपाईंहरूलाई जानकारी दिँदैछौं ।

त्यसका लागि तपाईंको फोनमा पहिल्यै इन्स्टल भएर आएको नोट वा मेन्यु एप उपयुक्त नुहुन सक्छ । त्यसका लागि गुगललको ‘किप नोट्स’ एप डाउनलोड गर्नुपर्ने हुन्छ । गुगलको किप नोट्स एप एन्ड्रोइड प्रयोगकर्ताले यहाँबाट र आईओएस प्रयोगकर्ताले यहाँबाट इन्स्टल गर्न सक्छन् । त्यसपछि तपाईंले गुगलको किप नोट्स एप प्रयोग गर्न सक्नुहुन्छ ।

गुगल किप प्रयोग गर्नुका फाइदाहरू:

  • गुगल किप प्रयोग गर्न सजिलो हुन्छ : गुगल किप अन्य साधारण नोट्स वा मेन्यु एप जस्तै भएकाले सजिलै प्रयोग गर्न सकिन्छ । यसमा नयाँ नोट लेख्न, नोटमा फोटो राख्न वा चित्र कोरेर गरेर राख्न सकिन्छ ।
  • गुगल किप निःशुल्क प्रयोग गर्न सकिन्छ ।
  • विभिन्न रिमाइन्डर राख्न सकिन्छ ।

सबैभन्दा महत्त्वपूर्ण कुरा त रियल टाइममा कम्प्युटरको वेब र एपमा एक्सेस पाउन सकिन्छ । तपाईंले केही कुरा कम्प्युटरको गुगल किपमा लेखिरहनु भएको छ भने सो कुरा स्मार्टफोन र स्मार्टफोनमा लेखिएका कुरा कम्प्युटरबाटै  हेर्न सक्नुहुन्छ ।

त्यो भन्दापनि महत्वपूर्ण कुरा आफूले गुगल किपमा राखेका कुरा फोन हराएको खण्डमा पनि अर्को डिभाइसमा सो अकाउन्ट लगइन गरी आफूले लेखेका महत्त्वपूर्ण कुरा हेर्न सकिन्छ ।

फोनमा गुगल किप प्रयोग गरेको छ र त्यहाँ भएका विभिन्न कुरा कम्प्युटरबाट एक्सेस पाउन चाहनु हुन्छ भने, यहाँ क्लिक गरेर गुगल किप खोल्नुहोस् । त्यसपछि फोनमा प्रयोग भएको जिमेल अकाउन्ट प्रयोग गरेर साइन अप गर्नुहोस् । यसरी तपाईंले फोनको नोटमा लेखेका कुरा कम्प्युटरमा सोझै सार्न सक्नुहुन्छ ।

त्यस्तै गुगल किपमा लेखेका कुरा गुगल डक्समा समेत कपी गर्न सकिन्छ । त्यसका लागि सबैभन्दा पहिले आफ्नो फोनमा गुगल किप एप खोल्नुहोस् ।

त्यसपछि आफूले गुगल डक्समा कपी गर्नुपर्ने लेख छान्नुहोस् ।

त्यसपछि माथि रहेका तीन ओटा डटमा क्लिक गर्नुहोस् । त्यसपछि कपी टु गुगल डक्समा क्लिक गरेर कपी गर्न सक्नुहुन्छ ।