ट्रेन्डिङ:
टिकटकमा आईफोनको टिप्स दिने कर्मचारीलाई एप्पलले बर्खास्त गर्ने फोनमा राखेको प्याटर्न बिर्सनुभयो ? यस्तो छ अनलक गर्ने सहज तरिका पब्जी ग्लोबल च्याम्पियनशिपको फाइनलमा बिहीबार नेपाली टिम भिड्दै, यसरी हेर्नुहोस् लाइभ तातो खाना फ्रिजमा राख्दा के हुन्छ ? खल्ती वालेटबाट यसरी गर्नुहोस् आन्तरिक राजस्व कार्यालयको कर भुक्तानी यसकारण ढिलो चार्ज हुन्छ मोबाइल, कतै तपाईंले गल्ती त गरिरहनु भएको छैन ? स्मार्ट मिटरका लागि प्रति मेगाहर्ज एक करोड २० लाखमा विद्युत प्राधिकरणलाई  फ्रिक्वेन्सी दशैंमा विदेशबाट आउँदा मोबाइल ल्याउनुभयो ? यस्तो छ एमडीएमएसमा दर्ता गर्ने तरिका तातो खाना फ्रिजमा राख्दा के हुन्छ ? स्नातक तहमा अब नेपालमै ‘डेटा साइन्स’ पढ्न पाइने
close

टिकटकमा आईफोनको टिप्स दिने कर्मचारीलाई एप्पलले बर्खास्त गर्ने

टेकपाना टेकपाना

साउन ३१, २०७९

टिकटकमा आईफोनको टिप्स दिने कर्मचारीलाई एप्पलले बर्खास्त गर्ने

काठमाडौं । एप्पलले सामाजिक सञ्जाल टिकटकमा भिडिओमार्फत आईफोनका सुरक्षा टिप्स दिने एक कर्मचारीलाई बर्खास्त गर्ने चेतावनी दिएको छ ।

‘पेरिस क्याम्पबेल’ नाम भएकी एप्पलकी कर्मचारीले टिकटकमा भिडिओ राख्दै सुरक्षा टिप्स दिएपछि उनीमाथि कम्पनीकाे नीति उलङ्घन गरेको आरोप लागेको छ ।

एप्पलका कुनै पनि कर्मचारीले सामाजिक सञ्जालमा एप्पलका उपभोक्ता, त्यहाँ काम गर्ने अन्य कर्मचारी वा संवेदनशील जानकारीहरू पोस्ट गरे उक्त कार्य कम्पनीको सामाजिक सञ्जाल नीति विपरीत हुने उल्लेख छ ।

क्याम्पबेल न्यू योर्कस्थित एक रिटेलमा विगत छ वर्षदेखि मर्मत प्राविधिकका रूपमा कार्यरत छिन् । गत हप्ता उनले आईफोन हराएकी प्रयोगकर्तालाई टिकटकमार्फत जवाफ दिएकी थिइन् ।

आईफोन हराएकी उक्त महिलालाई एप्पल आईडीबाट उक्त आईफोनकाे विवरण हटाउन भनिएको थियो । यदि नहटाएको खण्डमा उनका व्यक्तिगत डेटा कालोबजारीमा बेच्ने धम्की दिइएको थियो ।

“मलाई यी तमाम कुराको जानकारी कसरी भयो भन्ने कुरा त म भन्न सक्दिनँ । तर, म यो भन्न सक्छु कि म विगत छ वर्षदेखि काम गर्दै आइरहेकाे एक सर्टिफाइड हार्डवेयर इन्जिनियर हुँ,” उनको समस्यालाई समाधान गर्न क्याम्पबेलले उक्त भिडिओमा भनेकी छिन्, “तपाईंको फोन उनीहरूका लागि केही काम लाग्दैन । तपाईं एक मात्र व्यक्ति हुनुहुन्छ, जसले उनीहरूलाई बचाउन सक्नुहुन्छ । यदि भनेको मान्नुहुन्छ भने म तपाईंलाई त्यसो नगर्न सुझाव दिन्छु ।”

क्याम्पबेलको उक्त भिडिओले टिकटकमा २४ घण्टामै ५० लाख बढी भ्युज पाएको थियाे ।

गत शुक्रबार क्याम्पबेललाई रिटेल स्टाेरका मेनेजरबाट कल आयो, जहाँ उनलाई उक्त भिडिओ हटाउन भनिएको थियो । उनले यदि भिडिओ नहटाए के हुन्छ भनेर सोध्दा बर्खास्त गर्नसक्ने जवाफ दिइयाे ।

साताको अन्त्यमा क्याम्पबेलले ‘डियर एप्पल’ टाइटल राखी अर्को भिडिओ अपलोड गरिन्, जहाँ उनले आफू एप्पलको कर्मचारी भएको र आफू बर्खास्त भएको खबर सुन्न पर्खिरहेको बताएकी थिइन् ।

“मैंले यो भिडिओभन्दा पहिले आफूलाई कहिल्यै एप्पलको कर्मचारी भएको खुलाएकी थिइनँ,” उनी भन्छिन्, ” रमाइलो कुरा के हो भने, सामाजिक सञ्जाल नीतिहरूको समीक्षा गरेपछि कतै पनि म आफूलाई एप्पलको कर्मचारीको रूपमा सार्वजनिक रूपमा चिनाउन सक्दिनँ । कम्पनीलाई नराम्रो देखाउने तरिकाले मैले त्यसो गर्नुहुँदैन भनिएको छ ।”

हाल टिकटकमा क्याम्पबेलका चार लाख ३९ हजार बढी फलोअर रहेका छन् । उनका भिडिओ भाइरल भएको देख्दा कम्पनीबाट उनलाई बर्खास्त गर्न कुनै पनि कुराले रोक्न सक्दैन ।

गत वर्ष एप्पलले दुई जना हाई प्रोफाइल कर्मचारीलाई संवेदनशील जानकारी सार्वजनिक गरेको आरोपमा बर्खास्त गरेको थियो । तर, क्याम्पबेलले भने आफूले बनाएका भिडिओले कुनै पनि संवेदनशील जानकारी समावेश नगरेको बताउँदै आएकी छिन् ।