ट्रेन्डिङ:
सिद्धार्थको मोबाइल बैंकिङ एपमा ठगी नियन्त्रण गर्ने फिचर, एकैपटक धेरै डिभाइसबाट चलाउन सकिने आईओएस १६ मा ब्याट्री पर्सेन्टेज देखिएन ? यसो गर्नुहोस् ट्रान्सपरेन्ट ब्याकग्राउन्डमा फोटो बनाउने तरिकाहरू नेपाली बजारमा सामसङ ग्यालेक्सी ए सिरिजका तीन फोन सार्वजनिक यस्तो छ टेलिकम कम्पनीको दशैं अफर प्ले स्टोरमा नयाँ अपडेट, अब स्मार्टफोनबाटै अन्य डिभाइसका लागि एप डाउनलोड गर्न सकिने चार्जरमा युरोपलाई पछ्याउँदै भारत, सबै डिभाइसमा टाइप–सी पोर्ट अनिवार्य गरिँदै फेसबुक र गुगलको सम्मेलनमा शीर्ष २५ भित्र परे चार नेपाली ह्याकर चर्चामा गे डेटिङ एप ब्ल्यूड सामसङका पुराना फोनमा ब्याट्री फुल्ने दर तीव्र
close

सिद्धार्थको मोबाइल बैंकिङ एपमा ठगी नियन्त्रण गर्ने फिचर, एकैपटक धेरै डिभाइसबाट चलाउन सकिने

टेकपाना टेकपाना

भदौ १, २०७९

सिद्धार्थको मोबाइल बैंकिङ एपमा ठगी नियन्त्रण गर्ने फिचर, एकैपटक धेरै डिभाइसबाट चलाउन सकिने

काठमाडौं । सिद्धार्थ बैंक लिमिटेडले आफ्नो मोबाइल बैंकिङ एपलाई ‘सिद्धार्थ बैंक स्मार्टएक्सपी’ (Siddhartha BankSmartXP) मा स्तरोन्नति (अपग्रेड) गरेको छ ।

योसँगै एपमा हुने धोकाधडी (ठगी) नियन्त्रण गर्नुका साथै धेरै डिभाइस र च्यानलमार्फत प्रयोग गर्न सकिने भएको छ ।

एफवान सफ्ट इन्टरनेसनलले विकास गरेको याे नयाँ एप बैंकएक्सपी आर्किटेक्चरमा आधारित छ, जसले प्रयोगकर्ताको कार्यक्षमताको दायरालाई अझ फराकिलो बनाउने जनाइएको छ ।

यसअन्तर्गत ग्राहकले विभिन्न मोबाइल र वेब उपकरणबाट एप प्रयोग गर्नका लागि समान पासवर्ड प्रयोग गरी प्रयोग गर्न सकिनेछ ।

नयाँ एप्लिकेसनमा बिल भुक्तानी, चेक बुक अनुरोध, सेल्फ पासवर्ड/पिन रिसेट, ई-अपोइन्टमेन्ट, उपकरणहरुबीचको अन्तरसञ्चालन लगायतका थुप्रै सुविधा उपलब्ध छन् ।

साथै सिद्धार्थ बैंक स्मार्टएक्सपीले ठगी नियन्त्रणमा नवीनतम संयन्त्रलाई पनि प्रयोग गरिरहेको जनाइएकाे छ ।

यस एपमा प्रयोगकर्ताले लगइन गर्न खोजेको सिम नम्बर स्वतः प्रमाणित गर्ने क्षमता छ र प्रयोगकर्ताको खातामा दर्ता भएको सिम त्यही नम्बर हो भनी प्रमाणित नभएसम्म प्रयोगकर्तालाई एप प्रयोग गर्न अनुमति नदिइने बैंकले जनाएकाे छ ।