close

साइबर अपराधको विषयलाई पाठ्यक्रममा समावेश गर्नुपर्छ: गृहमन्त्री खाण

टेकपाना टेकपाना

भदौ ११, २०७९ ७:३९

साइबर अपराधको विषयलाई पाठ्यक्रममा समावेश गर्नुपर्छ: गृहमन्त्री खाण

काठमाडौं । गृहमन्त्री बालकृष्ण खाणले साइबर अपराधको विषयलाई विद्यालयको पाठ्यक्रममा समावेश गर्नुपर्नेमा जोड दिएका छन् ।

जनकल्याण सामाजिक केन्द्रले अयांश योग नेचर केयर अस्पतालको सहकार्यमा शुक्रबार राजधानीमा आयोजना गरेको ‘साइबर क्राइम प्रशिक्षण कार्यक्रम’मा उनले प्रविधिको बढ्दो प्रयोगसँगै साइबर अपराधका घटना पनि बढ्दै गएको भन्दै यस्ता घटनालाई कम गर्न विद्यालयका पाठ्यक्रममा साइबर अपराधसम्बन्धी विषयवस्तु समावेश गर्नुपर्ने बताए ।

“सूचना प्रविधिलाई आपराधिक समूहले पनि दुरुपयोग गरिरहेको छ, यसलाई रोक्नका लागि सरकारले छुट्टै सेल निर्माण गरी काम गरिरहेको छ”, गृहमन्त्री खाणले भने ।

उनले जनताको जीवनरक्षा गर्ने सरकारको मुख्य दायित्व भएको र उनीहरुको जीवनरक्षाको सिलसिलामा कहिलेकाहिँ राष्ट्रका सामु ठूलो समस्या आउने गरेको उल्लेख गरे ।

पछिल्लो अध्यावधिक: असोज २, २०७९ २२:३३