ट्रेन्डिङ:
लाइसेन्सका लागि ७० अंक ल्याए पास हुने व्यवस्था फेरि स्थगित सर्च इन्जिनका लागि टिकटक प्रयोग गर्दै युवा पुस्ता किसान र उपभोक्तालाई सिधै जोड्न ‘कृषि बजार’ एप एप्पल वाच सेभन सार्वजनिक हुँदै, यस्तो छ समय र फिचर सामसङ इन्टरनेटबारे तपाईँलाई कति थाहा छ ? जानिराख्नुहोस् यी विषय जीआईएस र रिमोट सेन्सिङ विषयमा तालिम दिँदै आविष्कार केन्द्र, यसरी हुनुहोस् सहभागी आफ्नो स्मार्टफोनमा यसरी प्रयोग गर्नुहोस् नयाँ पासवर्ड प्रोटेक्सन फिचर टिकटक बनाउने क्रममा झोलुङ्गे पुलबाट खसेका युवकको मृत्यु ईसेवाको दशैं उत्सव, रू. १ गेमदेखि निःशुल्क हवाई टिकटसम्म नेपाल र मोरिससबीच आज फुटबल खेल हुँदै, अनलाइनबाट यसरी बुक गर्नुहोस् टिकट
close

लाइसेन्सका लागि ७० अंक ल्याए पास हुने व्यवस्था फेरि स्थगित

टेकपाना टेकपाना

असोज ७, २०७९

लाइसेन्सका लागि ७० अंक ल्याए पास हुने व्यवस्था फेरि स्थगित

काठमाडौं । बागमती प्रदेशभित्र सवारी चालक अनुमतिपत्रको ट्रायलमा अंकभार प्रणाली तत्काल लागू नहुने भएकाे छ । आवश्यक तयारी पूरा नभएको भन्दै प्रदेश अन्तर्गतको श्रम, रोजगार तथा यातायात मन्त्रालयले यो प्रणाली कार्यान्वयनमा ल्याउन नसकेको जानकारी दिएको छ ।

यसअघि बागमती प्रदेशमा असोजदेखि यो व्यवस्था लागू हुने बताइएको थियो ।

मन्त्रालयका प्रवक्ता हरिहर पोख्रेलका अनुसार प्रदेश अन्तर्गतका यातायात कार्यलयहरूले आवश्यक तयारी पूरा नभएको जनाएपछि अंकभार प्रणाली स्थगित गरिएकाे हाे ।

‘सरोकारवालाहरूसँग छलफल गरिसेकपछि असोज १ देखि सवारी चालक अनुमतिपत्रको ट्रयालमा ७० अंक ल्याए पास हुने नियम लागू गर्ने निर्णय भएको थियो । यातायात कार्यालयहरू अझै पनि तयार नभइसकेको हुँदा यो नियम लागू गर्न नसकिएको हो,’ उनले टेकपानासँग भने ।

प्रदेश अन्तर्गत हाल एउटा कार्यालयले कम्तीमा पनि ८०० देखि ८५० जनाको परीक्षा लिने गरेको छ ।

सेवाग्राहीकाे चाप धेरै भएका कारण नयाँको लागि तयारी गर्न नसकिएको उनकाे भनाइ छ । 

साथै अब कहिलेदेखि अंक प्रणाली लागू हुनेछ भन्ने विषयमा अहिले नै केही भन्नसक्ने स्थिति नभएको उनले बताए ।