close

खल्तीबाट विश्वकप फुटबलको टिभी प्याकेज लिन सकिने, प्रयोगकर्तालाई विभिन्न पुरस्कार जित्ने अवसर

टेकपाना टेकपाना

मंसिर २, २०७९

खल्तीबाट विश्वकप फुटबलको टिभी प्याकेज लिन सकिने, प्रयोगकर्तालाई विभिन्न पुरस्कार जित्ने अवसर

काठमाडौं । आइतबारदेखि हुने विश्वकप फुटबल २०२२ का लागि डिजिटल वालेट खल्तीले वर्ल्डकप टिभी प्याकेज ल्याएको छ । यसअन्तर्गत भ्याटसहित ५६५ रुपैयाँ तिरेर खल्तीबाट विश्वकप प्याकेज लिन सकिनुका साथै प्रयोगकर्ताले विभिन्न उपहार जित्नसक्ने कम्पनीले जनाएकाे छ ।

कम्पनीले ल्याएकाे '१,००० वर्ल्ड कप टिभी प्याकेज'मा खल्ती ‘विश्वकप’ खल्ती क्विज, डिल डे अफर, दामी क्यूआर स्क्यान लगायतका अफर सञ्चालनमा रहनेछन् । यसअन्तर्गत लक्की ड्रबाट छानिएका केही प्रयोगकर्ताले विश्वकप टिभी प्याकेज खरिदमा शतप्रतिशत क्याशब्याक पाउने बताइएकाे छ ।

खल्ती एपभित्र नेटटिभी लगायतका अन्य टिभि प्रदायकहरूको वर्ल्डकप टिभी प्याकेजहरू उपलब्ध छन् । सबै खल्ती प्रयोगकर्ता अफरमा सहभागी हुन सक्नेछन् भने लक्की ड्रका लागि योग्य हुन केवाईसी भेरिफाइड अनिवार्य छ ।

केवाईसी भेरिफाइड नभएका प्रयोगकर्ताले पनि सजिलै केही मिनेटमै केवाईसी भेरिफाई गराएर अफरमा सहभागी हुनसक्ने कम्पनीले जनाएको छ ।