काठमाडौं । ग्लोबल आईएमई बैंकको मोबाइल बैंकिङ एप ग्लोबल स्मार्ट प्लस निःशुल्क चलाउन सकिने भएको छ ।
यसका लागि बैंकले नेपाल टेलिकमसँग सहकार्य गरेको छ । वाई-फाई पहुँच नभएका ग्राहकले सजिलै मोबाइल बैंकिङ सुविधा लिन सकुन् भनेर यो सेवा सञ्चालनमा ल्याइएको बैंकले जनाएको छ ।
बैंकले केही समयअघि मात्र आफ्नो नयाँ मोबाइल बैंकिङ एप ल्याएको थियो । यसबाट प्रयोगकर्तालाई मोबाइल बैंकिङ प्रयोग गर्न सहज हुने बैंकको अपेक्षा रहेको छ ।