close

गुगलमा सर्वाधिक खोजिने व्यक्ति बने अभिनेता जोनी डिप

टेकपाना टेकपाना

मंसिर २२, २०७९

गुगलमा सर्वाधिक खोजिने व्यक्ति बने अभिनेता जोनी डिप

काठमाडौं । सन् २०२२ मा अमेरिकी अभिनेता जोनी डिपलाई गुगलमा सर्वाधिक खाेजिएकाे छ । गुगलले बुधबार २०२२ मा सर्वाधिक बढी सर्च गरिएका वस्तुको विवरण सार्वजनिक गरेको छ । उक्त प्रतिवेदनमा यस वर्ष सबैभन्दा बढी खोजिएका समाचार, चर्चित व्यक्तिहरू,  खेल आदि विषय समेटिएका छन् ।

अभिनेता जोनी डिपले गत जुनमा आफ्नी पूर्वपत्नी अम्बर हेयर्डमाथि भएको मानहानीको मुद्दा जितेका थिए । त्यसपछि उनको चर्चाले थप उचाइ पाएको थियो । उनीसँग मुद्दा हार्ने हेयर्ड सर्वाधिक बढी सर्च गरिने व्यक्तिको सूचीमा तेस्रोमा परेकी छन् ।

हेयर्डले जोनी डिपमाथि मानहानीको मुद्दा हालेकी थिइन्, जुन लामो समयदेखि विचाराधीन अवस्थामा थियो । हेयर्डले डिपलाई बदनाम गरेको भन्दै अदालतले उनलाई एक करोड ५० लाख डलर जरिवाना सुनाएको थियो ।

उक्त मुद्दाको फैसला नवौँ शीर्ष ट्रेन्डिङ समाचारको विषयमा परेको छ । त्यस्तै २०२२ को ओस्कार अवार्ड वितरण कार्यक्रममा अमेरिकी अभिनेता विल स्मिथ र कमेडियन कृष रक (Chris Rock) पनि चर्चामा आएका थिए ।

कमेडियन रकले स्मिथकी पत्नीबारे मजाक उडाएपछि उनले स्टेजमै गएर रकलाई झापड हानेका थिए । त्यही विषयका विल स्मिथ सर्वाधिक बढी सर्च गरिने व्यक्तिको दोस्राे सूचीमा परेका छन् भने रक पाँचौँ स्थानमा छन् ।

उक्त घटनासँग सम्बन्धित समाचार ट्रेन्डिङ समाचारको क्याटेगोरीको आठौँ स्थानमा छ । यसैगरी युक्रेन र रूसबीचको युद्धमा सर्वाधिक बढी चर्चा पाउने व्यक्ति हुन्, रूसी राष्ट्रपति भ्लादिमिर पुटिन । उनी गुगलमा सर्वाधिक बढी सर्च गरिने व्यक्तिको पाँचौं सूचीमा रहेका छन् ।

  1. Jonny Dip
  2. Will Smith
  3. Amber Heard
  4. Vladumir Putin
  5. .Chris Rock
  6. Novak Djokovic
  7. Anna Sorokin
  8. Andrew Tate
  9. Rishi Sunak
  10. Simon Leviv