एपबाटै मनमोहन सेन्टरको टिकट अनि डाक्टरको अपोइन्टमेन्ट

मनमोहन कार्डियो थोरासिक भास्कुलर तथा ट्रान्सप्लान्ट सेन्टरको टिकट अब अनलाइनबाटै लिन सकिने भएको छ । मुटु रोगको उपचारमा अब्बल सरकारी अस्पतालको रुपमा आफ्नो पहिचान बनाउन सफल मनमोहनले आफ्नै वेबसाइट र मोबाइल एप सार्वजनिक गर्दै बिहान झिसमिसेमै लाइन लागेर ओपीडी टिकट लिनुपर्ने बाध्यताको अन्त्य गरेको हो ।

अनलाइन सेवाका लागि मिदास टेक्नोलोजी प्रालिले अस्पताललाई प्राविधिक सहयोग गरेको छ भने प्रभु पे र ईसेवा अनलाइन पेमेन्ट पार्टनरको रुपमा रहेका छन् । सेवाग्राहीले अनलाइन टिकटका लागि अस्पतालको वेबसाइटमा गएर वा मोबाइल एप डाउनलोड गर्नुपर्ने हुन्छ ।

जसबाट नियमित तथा प्राइभेट ओपीडी, चिकित्सक छनौट, अपोइन्टमेन्ट बुक लगायतका सुविधा प्राप्त गर्न सक्ने छन् । अस्पतालबाट अनलाइनमा उपलब्ध सेवाको भुक्तानी ईसेवा, प्रभु पे, खल्ती, आईएमई पे लगायतका डिजिटल वालेट र बिभिन्न बैंकहरुले उपलब्ध गराएका कार्डमार्फत गर्न सकिन्छ ।

एप डाउनलोड गर्न यहाँ क्लिक गर्नुहोस् ।

पछिल्लो अध्यावधिक: असोज २, २०७९ २२:३०

टिप्पणीहरू