close

आईफोन बोकेको ट्रक लुटेराको कब्जामा, साढे ७८ करोड मूल्य बराबरको सामान चोरी

टेकपाना टेकपाना

मंसिर ५, २०७७

आईफोन बोकेको ट्रक लुटेराको कब्जामा, साढे ७८ करोड मूल्य बराबरको सामान चोरी

काठमाडौं । एप्पल कम्पनीको सामान बोकेको ट्रकलाई रोकेर लुटेराहरुले ५० लाख पाउण्ड अर्थात् ७८ कराेड ५८ लाख नेपाली रुपैँया बराबरको आईफोन, एयरपड, एप्पल वाच लगायतका ग्याजेट लुटपाट गरेका छन् ।

लुटपाटको सो घटना मंगलबार बेलायतको नर्थह्याम्पटनशायरको साउथबाउण्ड स्लिप रोडमा भएको थियो । लुटेराहरुले ट्रक रोकेर ड्राइभरलाई बाँधी त्यहाँ ४८ वटा र्‍याकमा रहेका एप्पलका सबै सामान चोरी गरेका थिए ।

लुटपाट भएको मालबाहक ट्रकभित्र आईफोन इलेभेन, एयरपोड तथा एप्पल वाचहरु रहेकाे बताइएकाे छ । लुटेराहरुले नियन्त्रणमा लिएको उक्त ट्रकलाई क्रिकस्थित इल्डोन क्लोजमा पुर्‍याएर तेस्रो गाडीमा सबै सामानहरु राखिएको प्रहरीको आशंका छ । 

एजेन्सीकाे सहयाेगमा ।