बुटवलमा आईटी सेवा थाल्दै डाइनामिक टेक्नोसफ्ट

बुटवल । वीरगञ्जबाट सुरु भएको आईटी सेवा प्रदायक कम्पनी डाइनामिक टेकनोसफ्टले लुम्बिनी प्रदेशको रुपन्देही जिल्लास्थित बुटवलमा आफ्नो शाखा विस्तार गरेको छ । 

नेपाली र अन्तर्राष्ट्रिय बजारमा आईटी सम्बन्धी आफ्नो सेवाका साथै सफ्टवेयर विकास र वेब सेवा दिँदै आएको कम्पनीले प्रदेश नं. २ र बागमती प्रदेशपछि लुम्बिनी प्रदेशमा शाखा विस्तार गरेको हो । 

बुटवलमा विस्तार गरिएको शाखाको उद्घाटन कम्प्युटर एशोसियन नेपाल (क्यान) महासंघका केन्द्रीय अध्यक्ष नवराज कुवँरले गरे । 

उद्घाटन गर्दै अध्यक्ष कुवँरले कम्पनीको शाखा बुटवलमा पनि विस्तार भएसँगै आइटीको क्षेत्रमा नयाँ आयाम थपिएको धारणा राखे । विज्ञान र प्रविधिको युगमा डाइनामिक टेकनोसफ्ट प्रालिले नेपाललाई पनि प्रविधिमैत्रि बनाउनमा सघाउ पुग्ने विश्वास पनि उनले व्यक्त गरे । 

आईटी क्षेत्रमा रहेका समस्याहरुको समाधान गर्नुका साथै सयौँ युवाहरुलाई रोजगारी दिने अवसरको सृजना गरेको बताउँदै गरेका क्रियाकलापको सराहना गरे । 

डाइनामिक टेकनोसफ्ट प्रालिका प्रमुख कार्यकारी अधिकृत दीपक साहको अध्यक्षतामा भएको उद्घाटन कार्यक्रममा न्यू होराइजनका प्राचार्य लोकनाथ उपाध्याय, अक्सफोर्ड माविका प्राचार्य दिनेश भुषाल, सहप्राचार्य सुमन भुषाल, पामिर एकाडेमीका प्राचार्य माधव अर्याल, क्यानका केन्द्रिय सदस्य नारायण श्रेष्ठ, क्यानका रुपन्देही अध्यक्ष रामुदेव गौतम लगायतले शुभकामना व्यक्त गरेका थिए । 

कार्यक्रमको समापन गर्दै कार्यकारी अधिकृत दीपक साहले नेपालको एउटा आईटी कम्पनीलाई विश्वको प्रतिष्ठित ब्राण्डका रुपमा स्थापित गर्ने अभिप्रायका साथ आईटीको क्षेत्रमा निरन्तर काम गरिरहेको बताए । साथै आगामी दिनमा अन्य प्रदेश तथा जिल्लाहरुमा पनि कम्पनीको शाखा विस्तार गरिने उनले जानकारी दिए ।

डाइनामिक टेकनोसफ्ट प्रालि आईटी सेवा प्रदायकहरूको क्षेत्रमा एउटा मान्यता प्राप्त संस्था हो । कम्पनीमार्फत एक दशकभन्दा पनि लामो समयदेखि नेपाली र अन्तर्राष्ट्रिय बजारमा आफ्नो सेवाहरूको साथै सफ्टवेयर विकास र वेब सर्भिसेसहरु हामीले दिँदै आएको छ ।

विश्वव्यापी रुपमा आईटी क्षेत्रमा रहेका समस्याहरु समाधान गर्दै नेपाललाई पनि आईटी मैत्री बनाउने र नेपालको एउटा आईटी कम्पनीलाई विश्वको प्रतिष्ठित ब्राण्डका रुपमा स्थापित गर्ने अभिप्राय कम्पनीको रहेको जानकारी कम्पनीका बिजनेस डेभलपमेन्ट म्यानेजर बिरु क्षेत्रीले गराएका थिए । 

मोफसलबाट आइटीको काम ह्याण्डल गर्दा आउन सक्ने चुनौतीको प्रवाह नगरी वीरगञ्जबाट शुरु भएको कम्पनीले अहिले देश तथा विदेशमा समेत शाखा विस्तारको कामलाई निरन्तरता दिएको छ । कम्पनीको आधा दर्जन आफ्नै ब्राण्डका सफ्टवेयरहरु बजारमा उपलब्ध छन् । ट्रेडिङ बिजनेश पनि सञ्चालनमा छ ।

डाइनामिक टेकनोसफ्ट प्रालिमार्फत हाल ईआरपी/कस्टमाइज्ड सफ्टवेयर निर्माण, मोबाइल एप्लिकेसन निर्माण, वेबसाइट निर्माण, बल्क एसएमएस समाधान, डोमेन रजिष्ट्रेसन, वेब होस्टिंग, र अनलाइन हाजीरी सुविधा लगायतका सेवाहरु उपलब्ध छन् । 

देशका ७ वटै प्रदेशहरुमा आफ्ना डीलरहरू र १०० भन्दापनि बढी डिलरहरुको नेटवर्कसँग मिलेर डाइनामिक टेकनोसफ्टको सेवा नेपाल सरकारका विभिन्न निकाय, दुगड ग्रुप, डावर नेपाल, गोदावरी ग्रुप, हुलास स्टिल, एसियन थाई फुड्स, देशका प्रतिष्ठित अस्पताल, होटल लगायत ठूला उद्योगले समेत प्रयोग गरिरहेका जानकारी डाइनामिक टेकनोसफ्टका चिफ अपरेटिंग अफिसर अर्जुन शाहले जानकारी दिए । 

विद्यालयलाई डिजिटलाइज गर्ने ध्येयका साथ कम्पनिले डाइनामिक एकेडेमिक ईआरपी र यसको मोबाइल एपको विकास गरेर देशभरका आठ सयभन्दा बढी विद्यालयहरुलाई समेत सेवा दिइरहेका छ । 

कोभिड १९ को महामारीको समयमा बैकल्पिक शिक्षाको माग बढेसँगै देशभरका विभिन्न स्थानीय तहहरुले समेत विद्यालय व्यवस्थापन तथा अनलाईन कक्षा सञ्चालनका लागी डाइनामिकको अनलाइन लर्निङ टुल्सहरुको प्रयोग गर्न थालेका छन । 

यतिमात्रै नभएर डाइनामिक ग्रुपले १ सय १५ जनाभन्दा धेरै युवाहरुलाई रोजगारी समेत प्रदान गरेको छ । आगामी दिनमा अरु युवाहरुलाई पनि यस क्षेत्रतर्फ आकर्षित गरेर रोजगारी दिलाउने डाइनामिक टेकनोसफ्टले प्रयत्न जारी राखेको प्रमुख कार्यकारी अधिकृत साहले बताए । 

‘अहिलेको विज्ञान र प्रविधिको युगमा हरेक कामहरु प्रविधिमैत्री भइराखेका छन्, साहले भने, ‘तसर्थ आइटीको क्षेत्रमा काम गर्ने दक्ष जनशक्तिको अभावलाई परिपुर्ति गर्ने कामलाई हामीले निरन्तरता दिइरहेको छौँ । वीरगञ्ज मुख्य शाखाबाट शुरु भएको हाम्रो कम्पनीको विगत केही वर्षदेखि काठमाण्डौको बबरमहलमा शाखा विस्तार भएर काम शुरु भइरहेको छ ।’

पछिल्लो अध्यावधिक: असोज २, २०७९ २२:३०

टिप्पणीहरू