काठमाडाैं । सरकारले आर्थिक वर्ष २०७८/७९ का लागि १६ खर्ब ४७ अर्ब ५७ करोड रुपैयाँको बजेट ल्याएको छ । अर्थमन्त्री विष्णुप्रसाद पौडेलले शनिबार आगामी आर्थिक वर्षको वार्षिक आयव्यय विवरण प्रस्तुत गरेका हुन् ।
सूचना प्रविधिसँग सम्बन्धित ब्राेडब्याण्ड इन्टरनेट परियाेजना, प्राविधिक शिक्षालय सञ्चालन, ई-गभर्नेन्स सेवा, स्टार्टअप फण्ड, विद्युतीय भुक्तानी लगायतका केही विषय बजेटमा समावेश भएका छन् ।
सूचना प्रविधिसँग सम्बन्धित छुट्टै शीर्षकमा बजेट नछुट्याई सरकारले पूर्वाधार, शिक्षा, विज्ञान तथा प्रविधि, यातायात, सार्वजनिक सेवा, उद्यमशीलता लगायतका क्षेत्रमा दूरसञ्चार, सूचना प्रविधि र विद्युतीय प्रणाीसँग सम्बन्धित कार्यक्रम ल्याएको छ ।