काठमाडौंमा सञ्चालनमा आयो अत्याधुनिक यूएनभी स्टोर, हरेक उत्पादनमा २० प्रतिशत छुट घोषणा

काठमाडौं । सुन्धारास्थित सीटीसी मलमा चिनियाँ प्रविधि कम्पनी यूएनभीले अत्याधुनिक शोरुम सञ्चालनमा ल्याएको छ । बुधबार भाटभटेनी सुपरमार्केटका सञ्चालक मीनबहादुर गुरुङ र यूएनभीका दक्षिण एसिया निर्देशक स्टेभन टीएनले संयुक्त रूपमा यो शोरुमको उद्घाटन गरे ।

शोरुममा यूएनभीका सर्भिलेन्स सिस्टम, अटोमेटिक डोरलक सिस्टम, फेस रिकग्निसनमा आधारित ई-हाजिरी, भिडिओ इन्टरकम सिस्टम, विभिन्न आकारका स्मार्ट इन्टरयाक्टिभ बोर्डहरू जस्ता डिजिटल सुरक्षा सम्बन्धी उत्पादन र सेवा उपलब्ध रहेको यूएनभी स्टोर प्रालिका निर्देशक हरिराम रिमालले बताए ।

रिमालका अनुसार निकट भविष्यमा नेपालमा अत्याधुनिक ईभि चार्जिङ स्टेशनमा सहकार्यको योजना रहेको छ ।

उद्घाटनको अवसरमा  यूएनभी स्टोरले २० प्रतिशत छुटसहितको ओपनिङ डिस्काउन्ट घोषणा गरेको छ, जुन अर्को सूचना नआएसम्म कायम रहनेछ ।

यूएनभी नेपालका सेल्स हेड सार्दक अधिकारीका अनुसार स्टोरको उद्घाटनमा ४०० बढी सहभागीले अवलोकन गरेका थिए । उनका अनुसार कम्पनीसँग देशभरका १५० भन्दा बढी डिलरहरूले काम गरिरहेका छन् ।

पछिल्लो अध्यावधिक: साउन ३२, २०८१ १६:३९

टिप्पणीहरू