दीक्षान्त समारोह गर्दै त्रिवि, अनलाइनबाटै आवेदन दिन सकिने
भदौ २०, २०८१ १०:५२
काठमाडौं । त्रिभुवन विश्वविद्यालयले ५०औं दीक्षान्त समारोह आयोजना गर्ने भएको छ । बिहीवार एक सूचना जारी गर्दै त्रिविले दीक्षान्त समारोह २०८१ आयोजना गर्ने जानकारी दिएको हो ।
२०८० असार १ देखि २०८१ जेठ ३२ गते सम्ममा सेमेस्टर तथा वार्षिक परीक्षा प्रणाली अनुसार स्नातक, स्नातकोत्तर तथा एमफिल तह उत्तीर्ण गरी ट्रान्सक्रिप्ट लिएका विद्यार्थी यसमा सहभागी हुन पाउने सूचनामा उल्लेख गरिएकाे छ ।
यसका साथै सोही अवधिभित्र विद्यावारिधि (पीएचडी) तह पूरा गर्ने विद्यार्थीहरूले पनि यस दीक्षान्त समारोहमा भाग लिन पाउनेछन् ।
यसका लागि विद्यार्थीहरूले यहाँ क्लिक गरी अनलाइनबाटै आवेदन दिन सक्नेछन् । आवेदन आउँदाे असोज २३ गतेसम्म दिन सकिने त्रिविले जनाएको छ ।
सूचना हेर्नुहोस्:
पछिल्लो अध्यावधिक: भदौ २०, २०८१ १०:५६
