डिशहोमको इन्टरनेट जोड्दा वा रिचार्ज गर्दा ३ महिनासम्म बोनस, साथमा अन्य उपहार योजना

काठमाडौं । डिशहोमले आफ्नो इन्टरनेट सेवामा नयाँ कनेक्सन तथा रिचार्ज गर्ने ग्राहकलाई लक्षित गर्दै विशेष अफर ल्याएको छ । यस अन्तर्गत २०० एमबीपीएस र ३०० एमबीपीएसका वार्षिक प्याकेजमा तीन महिना निःशुल्क बोनस सेवा उपलब्ध हुनेछ । यसले गर्दा १२ महिनाको प्याकेज लिँदा ग्राहकले थप तीन महिना निःशुल्क इन्टरनेट सुविधा प्राप्त गर्नेछन् ।

त्यस्तै ग्राहकले हरेक हप्ता लक्की ड्रमा सहभागी भई आकर्षक उपहारहरू जित्नसक्ने कम्पनीले जनाएको छ । यसअन्तर्गत हरेक हप्ता १२ ग्राहकले डीएचआई होम अप्लायन्सका सामानहरू, आईटेल ए६० एस स्मार्टफोन, मिभि डुओपड्स टी२० इयरबड्स र डिशहोम फोरके स्ट्रिमर जस्ता उपहार जित्न सक्नेछन् ।

त्यस्तै बम्पर लक्की ड्र अन्तर्गत एक ग्राहकले डीएचआई होम अप्लायन्सको फ्रन्ट लोड वाशिङ मसिन जित्नसक्ने कम्पनीले जनाएको छ ।

डिशहोमले ग्राहकका लागि विभिन्न छुट पनि उपलब्ध गराउने भएको छ । यसअन्तर्गत डीएचआई होम अप्लायन्समा ४० प्रतिशतसम्म छुट, मिभि डुओपड्समा ५४ प्रतिशतसम्म छुट र फायरबोल्ट स्मार्टवाचमा ७० प्रतिशतसम्म छुट दिइएको छ ।

यस अफरमा सहभागी हुन ग्राहकले डिशहोम इन्टरनेटको तीन महिने वा सोभन्दा माथिको प्याकेज खरिद गर्नुपर्नेछ । नयाँ कनेक्सन लिँदा वा रिचार्ज गर्दा ग्राहकहरू लक्की ड्रमा सहभागी हुन योग्य हुने कम्पनीले जनाएको छ ।

पछिल्लो अध्यावधिक: असोज १६, २०८१ १३:३४

टिप्पणीहरू