त्रिवि परीक्षा: अब नेपाली र अङ्ग्रेजी दुवै भाषामा प्रश्नहरू सोधिने
कात्तिक ५, २०८१ १८:५३
काठमाडौं । त्रिभुवन विश्वविद्यालयले आगामी वर्षदेखि स्नातक तहका सबै सङ्कायको परीक्षामा नेपाली र अङ्ग्रेजी दुवै भाषामा प्रश्न सोध्ने भएको छ । शिक्षा, विज्ञान तथा प्रविधिमन्त्री विद्या भट्टराईले सामाजिक सञ्जालमार्फत यसबारे जानकारी दिएकी हुन् ।
मन्त्री भट्टराईका अनुसार यो व्यवस्था पहिलो वर्षदेखि सुरु भई क्रमशः दोस्रो, तेस्रो र चौथो वर्षको परीक्षामा पनि लागू हुनेछ । प्रारम्भमा यो नियम शिक्षा शास्त्र, मानविकी, व्यवस्थापन र कानुन सङ्कायका स्नातक तहका परीक्षामा लागू हुनेछ ।
यस निर्णयले विद्यार्थीलाई आफ्नो भाषामा प्रश्न बुझ्न सजिलो हुने र परीक्षामा सहभागी हुन सहज हुने अपेक्षा गरिएको छ ।
पछिल्लो अध्यावधिक: कात्तिक ५, २०८१ १८:५९
