इन्टरनेट सेवाप्रदायक र्यापिड युनिक नेटवर्क प्रालिको लाइसेन्स खारेज
पुस १८, २०८१ १७:५१
काठमाडौं । नेपाल दूरसञ्चार प्राधिकरणले इन्टरनेट सेवाप्रदायक र्यापिड युनिक नेटवर्क प्रालिको अनुमतिपत्र खारेज गरेको छ । हालै एक सूचना जारी गर्दै प्राधिकरणले तनहुँ व्यास-३ मा रहेको यस कम्पनीको अनुमतिपत्र खारेज गरेको हो ।
प्राधिकरणले २०७६ मंसिर १९ गते यो कम्पनीलाई इन्टरनेट (ईमेल सहित) सेवाको अनुमतिपत्र प्रदान गरेको थियो । तर, तोकिएको म्यादभित्र अनुमतिपत्र नवीकरणका लागि निवेदन नआएपछि २०८१ मंसिर १९ देखि अनुमतिपत्र स्वतः रद्द भएको प्राधिकरणले जनाएको छ ।
साथै, कम्पनीले तिर्नुपर्ने रकम भुक्तानीका लागि एक महिनाभित्र प्राधिकरणमा सम्पर्क नगरे कानुनअनुसार कारबाही अघि बढाइने चेतावनी दिइएको छ ।
पछिल्लो अध्यावधिक: पुस १८, २०८१ १८:०
