निर्वाण चौधरीले यसरी सम्झिए मन्त्री बास्कोटा

पछिल्लो केही समययता सीजी कम्युनिकेशनको दूरसञ्चार सेवाको अनुमतिपत्रको विषय नैकै चर्चाको विषय बनेको छ । फोर्ब्समा सूचीकृत एकमात्र नेपाली खर्बपति विनोद चौधरीले दिएको टेलिभिजन अन्तरवार्ता, दूरसञ्चार प्राधिकरणले खारेज गरेको सीजीको लिमिटेड मोबिलिटी सेवा अनुमतिपत्र, प्रतिपक्षी दल काँग्रेसले संसदमा उठाएको एजेण्डा र सञ्चारमन्त्री गोकुलप्रसाद बाँस्कोटाले त्यस उपर गरेको टिप्पणीका कारण अहिले यो विषय सार्वजनिक वहशमा छाएको छ ।

मन्त्रिपरिषदले गरेका निर्णय सार्वजनिक गर्न आयोजित नियमित पत्रकार सम्मेलनका क्रममा सञ्चारमन्त्री बास्कोटाले २५ लाखमा अनुमतिपत्र पाएको सीजीलाई २० अर्बको लाइसेन्सको सुविधा दिन नसकिने टिप्पणी गरे । सीजीले राजनीतिक पुर्वाग्रहका कारण मोबाइल सेवा दिन पाउने आफ्नो युनिफाइड लाइसेन्स रोकिएको आशय व्यक्त गर्दै आएको छ ।

Celebrating 1 year of ⁦@GokulPBaskota⁩ attending our innovative digital operator plans in Barcelona last year mobile world congress. Maybe he forgot his commitments for equal level playing fair competition so gentle reminder ?? pic.twitter.com/1rFSEty0hQ

— Nirvana Chaudhary (@BeingNirvana) February 7, 2020

यसैबीच शुक्रबार खर्बपति चौधरीका छोरा निर्वाण चौधरीले ट्वीट गरेका छन् । निर्वाणले एक वर्ष अघि स्पेनको बार्सिलोनामा आयोजित मोबाइल वर्ल्ड कंग्रेसमा सहभागी हुँदाताकाकाे मन्त्री बास्कोटा समेत रहेको तस्विर सहित ट्वीट गरेका छन् । जसमा उनले उल्लेख गरेका छन्, ‘गत वर्ष बार्सिलोनाको मोबाइल वर्ल्ड कंग्रेसमा हाम्रो नवीनतम् डिजिटल सेवाप्रदायकको योजनामा गोकुल बाँस्कोटा सहभागि भएको एक वर्ष मनाइरहेका छौँ । समान किसिमको व्यवसायिक वातावरण बनाउने विषयमा जनाएको प्रतिवद्धता सायद उहाँले बिर्सिनु भयो होला, स्मरण गराउन चाहन्छु ।’

तर, अहिले निर्वाणले आफ्नो ट्वीट हटाइसकेका छन् ।

पछिल्लो अध्यावधिक: असोज २, २०७९

टिप्पणीहरू