ट्रेन्डिङ:
अडियो समेत जूम गर्न मिल्ने रेड्मी के थर्टी अल्ट्रा सार्वजनिक, कति होला मूल्य ? यी हुन् नेपालका ५ ठूला इन्टरनेट कम्पनी, कसको बजार कति ? यी १० कारणले ल्यापटपभन्दा डेस्कटप राम्रो मदरबोर्ड बिक्रेता ‘गिगाबाइट’ माथि र्‍यानसमवेयर आक्रमण ब्याकअपमा राखेको गुगल फोटोजका फोटो तथा भिडिओमा समस्या सिटी एक्सप्रेस मनी ट्रान्सफर र कोरोना पे युरोपबीच रेमिट्यान्स कारोबार सुरु नेटफ्लिक्स, अमेजन जस्ता कम्पनीले इन्टरनेट डेटा खपतको लागत टेलिकम कम्पनीलाई तिर्नुपर्ने ! प्ले स्टोरमा नयाँ अपडेट, अब स्मार्टफोनबाटै अन्य डिभाइसका लागि एप डाउनलोड गर्न सकिने ईसेवा र एमबैंकबीच सम्झौता, अब ४५० बढी सहकारीमा डिजिटल कारोबार गर्न सकिने विश्वकै ठूलो सफ्टवेयर प्रतियोगिता ‘माइक्रोसफ्ट इम्याजिन कप’ हुँदै, यसरी दिनुहाेस् आवेदन
close

अडियो समेत जूम गर्न मिल्ने रेड्मी के थर्टी अल्ट्रा सार्वजनिक, कति होला मूल्य ?

टेकपाना टेकपाना

साउन २८, २०७७

अडियो समेत जूम गर्न मिल्ने रेड्मी के थर्टी अल्ट्रा सार्वजनिक, कति होला मूल्य ?

काठमाडौं । शाओमीले आफ्नो दशाैं वार्षिकोत्सवको अवसरमा एमआई टेन अल्ट्रा सार्वजनिक गरेको छ । यो फोनसँगै कम्पनीले ल्याएको अर्को स्मार्टफोन हो रेड्मी के थर्टी अल्ट्रा

रेड्मी के थर्टी झट्ट हेर्दा पोको एफ टू जस्तै देखिन्छ । तर यसले आफ्नो के थर्टी सिरिजका अन्य फोनको तुलनामा केही नयाँ विशेषता पस्केको छ ।

यसमा महत्वपूर्ण विशेषता भनेकाे मिडियाटेक डाइमेन्सिटी १००० प्लस फाइभजी चिपसेट प्रयोग गरिएको छ । यसअघिको ‘के थर्टी प्रो’ मा स्न्यापड्रागन ८६५ सिरिज प्रोसेसर प्रयोग भएको थियो ।

यसको अर्थ तपाईंले यसमा दुई वटा फाइभी सिम प्रयोग गर्न पाउनुहुनेछ । फोनको ब्याट्री ४५०० एमएएच क्षमताको छ । त्यस्तै यसमा १२० हर्ज एमोलेड डिस्प्ले छ ।

उत्कृष्ट डिस्प्लेको अनुभव गर्न मन पराउने र गेमिङमा रुची राख्नेहरुका लागि यो फोन सही रोजाइ बन्न सक्छ । यो फोनमा तीनवटा माइक्रोफोनका अतिरिक्त अडियो जूम प्रविधिको प्रयोग गरिएको छ ।

जसका कारण तपाईंले जूम गरेर खिचेका भिडियोहरुको समेत राम्रो अडियो आउँछ । यो फोनमा चारवटा क्यामेराको सेटअप छ । जसको मुख्य क्यामेरा ६४ मेगापिक्सेलको छ ।

त्यसैगरी यसमा १३ मेगापिक्सेलको अल्ट्रा वाइड सेल्फी क्यामेरा रहेको छ भने पाँच मेगापिक्सेलको टेलिफोटो म्याक्रो र दुई मेगापिक्सेलको डेप्थ क्यामेरा रहेको छ ।

अन्य देखिने मुख्य विशेषता अन्तर्गत आईआर ब्लास्टर, ईन डिस्प्ले फिङ्गरप्रिन्टर सेन्सर र डुअल स्टेरियो स्पीकर रहेका छन् ।

रेड्मी के थर्टी अल्ट्राको मूल्य यसअघिको के थर्टी प्रोको तुलनामा धेरै नै सस्तो छ । कम्पनीले छ जीबी र्‍याम तथा १२८ जीबी रोम क्षमताको फाेनकाे मूल्य २८८ डलर (३४ हजार ६४७ रुपैयाँ) ताेकेकाे छ ।

त्यस्तै आठ जीबी र्‍याम तथा १२८ जीबी रोम क्षमताको तीन सय ६० डलर (४३ हजार ३०० रुपैयाँ) र आठ जीबी र्‍याम र २५६ जीबी रोम क्षमताको फाेनकाे मूल्य तीन सय ८८ डलर (४६,६७० रुपैयाँ) राखिएको छ ।