ट्रेन्डिङ:
वर्ल्डलिंकको २५ वर्षे यात्रा, यसरी बन्यो देशकै ठूलो इन्टरनेट कम्पनी आफ्नै महिला साथीको नग्न तस्वीर र भिडियो पोर्न साइटमा अपलोड गर्ने व्यक्ति पक्राउ अनरको नयाँ सस्तो स्मार्टफोन एक्स सिक्स नेपाली बजारमा, यस्तो छ मूल्य, फिचर अनि अफर तपाईँको जीमेलमा ईमेल नआउने समस्या छ ? यसो गर्नुहोस् साझा यातायातको थप ३७ बिजुली बस नेपाल भित्रिदैँ डाइनामिक स्टोरिज फिचर ल्याउँदै स्न्यापच्याट, यस्तो हुनेछ सुविधा राष्ट्रिय परिचयपत्र बनाउँदा भुलेर पनि नगर्नुहोस यस्तो गल्ती फाइभजी फोनको बजारमा आईफोन ट्वेल्भको दबदबा यसरी टिकाउनुहोस् लामो समयसम्म आफ्नो स्मार्टफोन थाहा पाइराख्नुहोस् मोबाइलको चार्जरमा हुने सङ्केत र तिनको अर्थ
close

वर्ल्डलिंकको २५ वर्षे यात्रा, यसरी बन्यो देशकै ठूलो इन्टरनेट कम्पनी

टेकपाना टेकपाना

भदौ ३०, २०७७

वर्ल्डलिंकको २५ वर्षे यात्रा, यसरी बन्यो देशकै ठूलो इन्टरनेट कम्पनी

वर्ल्डलिंकले आज २५ वर्ष पुरा गरेको छ । आजभन्दा २५ वर्षअघि अमेरिकाबाट बोकेर आएको एउटा कम्प्युटर र ईमेल सर्भरबाट सुरु भएको कम्पनीको यात्रा सबैको लागि उदाहरणीय छ । जसले नेपालको इन्टरनेट पहुँचमा ठूलो भूमिका निर्वाह गरेको छ ।

नेपाल दूरसञ्चार प्राधिकरणको पछिल्लो तथ्याङ्क हेर्ने हो भने इन्टरनेट पहुँचको ४३ प्रतिशत योगदान वर्ल्डलिंकको छ । सन् १९९५ मा इमेल सिस्टमबाट सुर भएको वर्ल्डलिंकले यो २५ वर्षको अवधिमा डायल–अपदेखि फाइबर टु दी होमसम्मकाे यात्रा तय गरेको छ ।

सन् १९९५ मा इमेल सेवा सुरुवात गरेको वर्ल्डलिंकले सन् १९९७ मा डायल-अप इन्टरनेट सेवाको सुरुवात गरेको थियो । त्यसको दुई वर्षपछि काठमाडौं बाहिर सेवा विस्तार गरेको थियो । कम्पनीले अन्तर्राष्ट्रिय ब्याण्डविथका लागि भिस्याटको सुरुवात पनि त्यहीँबाट गरेको हो ।

त्यसको एक वर्षपछि अर्थात सन् २००० मा कम्पनीले वायरलेस ब्रोडब्यान्ड इन्टरनेट सेवाको सुरुवात गर्‍यो । कम्पनीले नेपालमै पहिलो पटक कन्टेन्ट क्यास सेटअपका लागि अकमाईसँग साझेदारी गरेको थियो । यो सन् २००१ को कुरा हो । अकमाईसँगको यो साझेदारीसँगै कम्पनीले भिस्याट नेटवर्कमार्फत देशका प्रमुख सहरमा इन्टरनेटको विस्तारलाई बढवा दियो ।

सन् २००३ मा आएर कम्पनीले केबल इन्टरनेट सेवाको सुरुवात गर्‍यो । त्यसको तीन वर्षपछि वायरलेस प्रविधिबाट कम्पनीले देशका प्रमुख सहरमा इन्टरनेटको विस्तार उल्लेख गरिएको छ । यसरी देशव्यापी रुपमा इन्टरनेट विस्तारको काम गरिरहेको कम्पनीले सन् २००८ मा अन्तराष्ट्रिय ब्यान्डविथको लागि क्रस बोर्डर फाइबर जडान गरेको थियो ।

यसरी अन्तराष्ट्रिय इन्टरनेटतर्फ आफूलाई विस्तार गरेको कम्पनीले सन् २०१० मा स्थानीय सर्भरको लागि गुगलसँग साझेदारी गर्‍यो । उक्त सम्झौताले ग्राहकको इन्टरनेट अनुभवलाई अझ प्रभावकारी बनाउन अर्को महत्वपूर्ण भूमिका निर्वाह गरेको छ । इन्टरनेटको अनुभवलाई अझ प्रभावकारी बनाउने क्रममा कम्पनीले सन् २०१२ मा नेपालमा पहिलो पटक १० एमबीपीएसको इन्टरनेट सुरु गरेको थियो ।

त्यसबेला दिइएको उक्त १० एमबीपीएस इन्टरनेट केबलमा आधारित थियो । त्यसको दुई वर्षपछि कम्पनीले फाइबर टु दी होम(एफटीटीए) इन्टरनेटको सुरुवात गरेको हो । नेपाल दूरसञ्चार प्राधिकरणको असार मसान्तसम्मकाे तथ्याङ्क अनुसार हाल वर्ल्डलिंकका फाइबर प्रयोगकर्ता ३ लाख ७३ हजारभन्दा बढी रहेका छन् ।

कम्पनीले सन् २०१६ मा कन्टेन्ट क्यासको लागि फेसबुकको साथ साझेदारी गरेको थियो । त्यही वर्षबाट नेपालमै पहिलो पटक कम्पनीले आईपी टिभी सेवाको सुरुवात गरेको हो । जसको प्रयोगकर्ता हाल १ लाख ८४ हजार भन्दा बढी रहेको कम्पनीले जनाएको छ ।

सेवा विस्तारसँगै कम्पनीले ग्राहकको सुरक्षाको लागि अनलाइन बालबालिकामाथि हुने दुर्व्यवहार रोक्न सेफनेट सेवा सञ्चालन ल्याएको छ । कम्पनीले नेपालमै पहिलो पटक सन् २०१८ मा आईपीभी सिक्सको सुरुवात गरेको थियो । त्यही वर्षबाट कम्पनीले निःशुल्क रुपमा पब्लिक वाईफाई सेवा सुरु गरेको थियो ।

कम्पनीका तथ्याङ्क अनुसार हाल पब्लिक वाईफाई प्रयोग गर्ने दैनिक प्रयोकर्ता एक लाख ५१ हजार भन्दा बढी रहेका छन् । त्यस्तै कम्पनीले नेपाल दूरसञ्चार प्राधिकरणक अन्तर्गत रहेको ग्रामिण दूरसञ्चार विकास कोषमार्फत अघि बढाएको परियोजना अन्तर्गत कर्णाली जस्तो विकट क्षेत्रमा इन्टरनेट सेवा प्रदान गरिरहेको छ ।

यसरी विभिन्न समयमा विभिन्न सेवा विस्तार गर्दै आएको कम्पनीले प्रत्यक्ष रुपमा चार हजारको हाराहारीमा रोजगारी प्रदान गरिरहेको छ । कम्पनीले गत वर्षमात्रै विदेशी लगानी भित्र्याउन सफल भएको छ । कम्पनीले सीडीसीद्धारा विदेशी लगानी भित्र्याएको हो । यसरी अघि बढ्दै आएको कम्पनीले सूचना तथा सञ्चार प्रविधि क्षेत्रमा उच्चतम करदाताको रुपमा सम्मान प्राप्त गरेको छ । साथै नेपाल सरकारबाट राष्ट्रिय आईसीटी पुरस्कार समेत प्राप्त गरिसकेको छ ।