२०७९, २ भाद्र बिहिबार   |  
Thursday 18th August 2022

अब कुकुर भुक्दा समेत स्मार्टफोनले नोटिफिकेसन दिने

Android’s new sound notifications can let you know when your dog is barking

काठमाडौं । एन्ड्रोइड फोनले अब केही निश्चित आवाज पहिचान गरेर नोटिफिकेसन दिने भएको छ । श्रवणशक्ति गुमाएका (बहिरा) तथा नजिकको कुनै महत्वपूर्ण आवाज सुन्न कठिनाई हुनेहरुलाई स्मार्टफोनले यस्तो जानकारी दिने भएको हो ।

यदि तपाईंले साउन्ड नोटिफिकेसन नामक फिचर अन गर्नु भएको खण्डमा तपाईंको एन्ड्रोइड फोनले केही आवाजको विषयमा तपाईंलाई पुश नोटिफिकेसन, क्यामेराको फ्ल्याश लाइट अथवा भाइब्रेसन मार्फत जानकारी दिनेछ ।

वेयर ओएस लगायतका साउन्ड नोटिफिकेसनलाई सपोर्ट गर्ने डिभाइसले समेत भाइब्रेसन सहित टेक्स्ट नोटिफिकेसन पठाउन सक्नेछ । गुगलका अनुसार यो फिचर पूर्णतः अफलाइनमा आधारित हुनेछ ।

कम्पनीका अनुसार साउन्ड नोटिफिकेसनले दश वटा भिन्न हल्ला सुन्न सक्छ । जसमा धुँवा तथा आगलागीको अलार्म, साइरन, होहल्ला, बच्चा कराएको, डोरबेल बजेको, ढोका ढकढकाएको, कुकुर भुकेको, घरायसी सामानको बिप, पानी परेको र फोनको घण्टी बजेको आवाज रहेका छन् ।

पिक्सेल फोन तथा अन्य केही एन्ड्रोइड फोनमा साउन्ड नोटिफिकेसन यस अघि नै इन्स्टल भइसकेको छ । जसलाई सेटिङभित्र रहेको एक्सेसिबिलिटी मेनुमा गएर अन गर्न सकिन्छ ।

यो फिचर तपाईंले गुगलको लाइभ ट्रान्सक्राइब एप डाउनलोड गरेर समेत प्राप्त गर्न सक्नुहुन्छ । जसले रियल टाइममा सुनेको आवाजलाई अक्षरमा रुपान्तरण (ट्रान्सक्राइब) गरिदिन्छ ।

गुगलले गत अगस्टमा साउन्ड नोटिफिकेसन जस्तै फिचर पिक्सेल बड्समा थप गरेको थियो । पिक्सेल बडको अटेन्सन अलर्टले बच्चा कराएको, कुकुर भुकेको तथा इमर्जेन्सी सवारीसाधनको साइरन बजेको आवाज पहिचान गरेर स्वचालित रुपमा भोलुम घटाइदिन्छ ।

Logo
© 2019, All Rights Reserved with TechPana Media Pvt. Ltd.

टेकपाना मिडिया प्रा‍‍. लि.

अनामनगर, काठमाडौ
Email:  [email protected]
Web: techpana.com
फोनः  +977-01-5244861
सूचना विभाग दर्ता नं.  १५४१/७६-७७

सम्पादकः गोपाल साउद

विज्ञापनका लागि:
[email protected]
मोबाइलः ९८५१०४४४५८

Contact us | Our Team