ट्रेन्डिङ:
ई-पासपोर्टका लागि दैनिक २०० ले मात्र अनलाइन आवेदन दिन पाउने फेसबुकमा ‘मेयर उपमेयर हराएको’ भन्दै पोस्ट गर्ने युवा पक्राउ वानप्लस नाइन सिरिजका स्मार्टफोन चैत १० मा सार्वजनिक हुने ठेकेदार कम्पनी डेकाटुरले भन्यो- देवनागरी लिपिमा इम्बोस्ड नम्बर लेख्न ७७ करोड खर्च लाग्छ नेपालमा पहिलो आईटी कलेज सुरु गर्दा स्वीकृति पाउनै ६ वर्ष लाग्यो सामसङ र साओमीलाई पछि पार्दै लाभा नेपालमा नम्बर वान ! रोबटबाटै मस्तिष्क पक्षघातको शल्यक्रिया एसिया क्षेत्रमा मोबाइल प्रविधिको इकोसिस्टम तयार पार्दै ह्वावे मिडिया प्लेयर भीएलसीमाथि भारतको प्रतिबन्ध राष्ट्रिय परिचय पत्र लिएर ई–पासपोर्ट बनाउँदा जाँदा समस्या आयो ? यस्तो छ कारण
close

ई-पासपोर्टका लागि दैनिक २०० ले मात्र अनलाइन आवेदन दिन पाउने

टेकपाना टेकपाना

मंसिर ३, २०७८

ई-पासपोर्टका लागि दैनिक २०० ले मात्र अनलाइन आवेदन दिन पाउने

काठमाडौं । सरकारले हालै प्रचलनमा ल्याएको ई-पासपोर्टको लागि दैनिक दुई सय जनाले मात्र आवेदन दिन मिल्ने भएको छ । ई-पासपोर्टको वितरण हाल परीक्षणकै क्रममा रहेको र वितरण प्रणालीमा विभिन्न अपग्रेडहरू गर्दै जानुपर्ने भएकाले हाललाई आवेदनमा कोटा प्रणाली लागू गरिएको हो ।

राहदानी विभागले बुधबार देखि सुरु गरेको परीक्षण वितरणमा बिहीबार सिस्टममा समस्या देखा परेको थियो । हाल सो समस्या समाधान भएपनि दिनमा दुई सय जनाले मात्र आवेदन दिन पाइने विभागले बताएको छ ।

दैनिक कोटा सकिएको खण्डमा तपाईंले भरेको आवेदन सब्मिट हुँदैन । यो प्रणाली हाल परीक्षणकै क्रममा रहेको बेला आवेदनको चाप अत्याधिक रुपमा बढेपछि सफ्टवेयरमा समस्या आएको हो ।

विभागका प्रवक्ता शरदराज आरनले भने, ‘हाललाई उक्त समस्या समाधान भइसकेको छ । तर हामीले चाप नियन्त्रण गर्न कोटा प्रणाली लागू गरेका छौँ,’ उनले भने, ‘आउने दिनमा यो सेवा पूर्ण रुपमा लागू भइसकेपछि भने यस्ता समस्याहरू आउने छैनन् ।’

परीक्षण वितरण सकिए लगत्तै सन् २०२२ को जनवरी महिनाको पहिलो सातादेखि नै विद्युतीय राहदानी प्रचलनमा ल्याउने विभागको तयारी छ ।