ट्रेन्डिङ:
फोनपे मार्फत भाटभटेनीमा क्यूआर भुक्तानी गर्दा अनलिमिटेड शपिङ गर्न सकिने पेगासस सफ्टवेयर बनाउने कम्पनीलाई एप्पलले हाल्यो मुद्दा दूरसञ्चार सेवाप्रदायक आपसमा गाभिन सक्ने, प्राधिकरणबाट पारित भयो नियमावली जिमेलमा आउने ई-मेलका लागि यसरी सेट गर्नुहोस् अटोमेटिक रिप्लाई करिब १९ घण्टापछि प्ले स्टोरमा फर्कियो ईसेवा दशैंमा विदेशबाट आउँदा मोबाइल ल्याउनुभयो ? यस्तो छ एमडीएमएसमा दर्ता गर्ने तरिका दूरसञ्चारमा पर्दा पछाडिका नायक, जसले कोर्दैछन् नेटवर्क निरन्तरताको बाटो कम्प्युटरमा कट, कपि र पेस्टका आविष्कार ल्यारी टेस्लरको निधन सोसल मिडियामा जुकरबर्गको अत्याधिक नियन्त्रण : एलन मस्क साइबर आक्रमणको अध्ययन र रोकथाम गर्न छुट्टै ‘रेस्पोन्स टिम’ खडा गर्दै प्राधिकरण
close

पेगासस सफ्टवेयर बनाउने कम्पनीलाई एप्पलले हाल्यो मुद्दा

टेकपाना टेकपाना

मंसिर ८, २०७८

पेगासस सफ्टवेयर बनाउने कम्पनीलाई एप्पलले हाल्यो मुद्दा

काठमाडौं । मोबाइलमार्फत विभिन्न व्यक्तिको जासुसीको लागि प्रयोग भइरहेको सफ्टवेयर पेगासस निर्माण गर्ने कम्पनी एनएसओमाथि एप्पलले मुद्दा दायर गरेको छ । यसअघि नै फेसबुकको मातृ कम्पनी मेटाले पनि यो कम्पनीमाथि मुद्दा दायर गरिसकेको छ ।

एनएसओ ग्रुपले बनाएको पेगासस सफ्टवेयरले आइफोन प्रयोगकर्ताको पनि जासूसी गर्न सक्ने खबर बाहिरिएको थियो । एप्पलले भने एनएसओ ग्रुपले भविष्यमा आफ्नो कुनै पनि सफ्टवेयर, सेवा वा डिभाइस प्रयोग गर्न नसक्ने गरी दीर्घकालीन समाधान खोजिरहेको टिप्पणी गरेको छ । 

सरकारले विभिन्न व्यक्तिको फोनमा रहेको माइक्रोफोन, क्यामेरा र डेटा प्रयोग गरी जासूसी गर्न सक्ने गरी पेगासस सफ्टवेयर बनाइएको हो । विभिन्न व्यक्तिको जासूसी गर्नको लागि यो सफ्टवेयर प्रयोग भइरहेको खबर केही महिना अघि सार्वजनिक भएपछि विभिन्न देशले यो सफ्टवेयरलाई प्रतिबन्ध लगाइसकेका छन् । 

आफ्ना प्रयोगकर्तालाई पेगासस जस्ता सफ्टवेयर प्रयोग गरी हुन सक्ने दुर्व्यवहार रोक्न कम्पनीले यो सफ्टवेयर निर्माण गर्ने कम्पनीमाथि मुद्दा दायर गरेको एप्पलले जारी गरेको विज्ञप्तिमा जनाइएको छ ।