५३ करोड फेसबुक प्रयोगकर्ताको डेटा अनलाइनमा लिक, कतै तपाईंको त परेन ?

cyber crime in the world

काठमाडौं । ५३ करोडभन्दा बढी फेसबुक प्रयोगकर्ताको फोन नम्बर र व्यक्तिगत विवरण अनलाइनमा लिक भएको छ । लो लेभल ह्याकिङ फोरममा लिक भएको याे घटनामा फेसबुक प्रयाेगकर्ताकाे फोन नम्बर, पुरा नाम, ठेगाना, ईमेल एड्रेस र बायोग्राफिकल इन्फर्मेशन समावेश छ ।

साइबर सुरक्षा अनुसन्धानकर्मीहरुले लिक भएका डेटालाई ह्याकरहरूले दुरुपयोग गर्न सक्ने चेतावनी दिएका छन् ।

लो लेभल ह्याकर ग्रुपका एक प्रयोगकर्ताले अनलाइनमा निःशुल्क रुपमा यति ठूलो परिमाणमा फेसबुक प्रयोगकर्ताको डेटा लिक गरिदिएका हुन् ।

बिजनेश इन्साइडरको एक समाचार अनुसार १०६ देशका ५३ करोड प्रयोगकर्ताको डेटा लिक भएको छ । यसमध्ये ३ करोड २० लाख फेसबुक प्रयोगकर्ता अमेरिकाका रहेका छन् ।

हाम्रो छिमेकी देश भारतका ६० लाख फेसबुक प्रयोगकर्ताको डेटा बाहिरिएको छ । नेपालका पनि ठूलाे संख्यामा प्रयाेगकर्ताकाे डेटा लिक भएकाे हुनसक्ने अनुमान गरिएकाे छ ।

फेसबुकले याे डेटा ब्रिच घटनाबारे कुनै प्रतिक्रिया दिइसकेकाे छैन ।

प्रतिक्रिया दिनुहोस्
Logo
© 2019, All Rights Reserved with TechPana Media Pvt. Ltd.

टेकपाना मिडिया प्रा‍‍. लि.

अनामनगर, काठमाडौ
Email:  [email protected]
Web: techpana.com
फोनः  +977-01-5705254
सूचना विभाग दर्ता नं.  १५४१/७६-७७

सम्पादकः गोपाल साउद

विज्ञापनका लागि:
[email protected]
मोबाइलः ९८५१०४४४५८

Contact us | Our Team