अब सोनीका क्यामेरा वेबक्यामको रुपमा प्रयोग गर्न सकिने, यसरी गर्नुहोस् प्रयोग

भदौ ८, २०७७ ११:५२

काठमाडौं । सोनीले आफ्ना ग्राहकहरुका लागि एउटा उपहारको रुपमा विशेष सफ्टवेयर सार्वजनिक गरेको छ । सोनीको यो सफ्टवेयर अपडेटपश्चात प्रयोगकर्ताले आफ्नो डीएसएलआर, सेमी डीएसएलआर तथा मिररलेस क्यामेरालाई वेबक्यामको रुपमा प्रयोग गर्न सक्ने छन् ।

कम्पनीले वर्क फ्रम होमका क्रममा मानिसहरुले व्यहोरिरहेको झञ्झट दूर गर्न भन्दै यो सफ्टवेयर अपडेट सार्वजनिक गरेको हो । यस अघि पानासोनिक र ओलम्पसले मात्र यस्तो फिचर ल्याएका थिए । सोनीले ईमेजिङ एज वेबक्याम नामबाट एउटा डेक्सटप सफ्टवेयर रिलिज गरेको छ ।

जसको सहयोगमा सोनीका डिजिटल क्यामेरालाई उच्च गुणस्तरीय वेबक्याममा बदल्न सकिनेछ । यसका लागि तपाईंले आफ्नो कम्प्युटर तथा ल्यापटपमा एक यूएसबी पोर्टमार्फत क्यामेरा जोड्नुपर्ने छ ।

सोनीको यो नयाँ सफ्टवेयरले कम्पनीका कयौं डीएसएलआर तथा मिररलेस क्यामेरालाई सपोर्ट गर्नेछ । यद्यपी यो सफ्टवेयरमा विण्डोज टेनमा मात्रै सपोर्ट गर्ने सीमितता रहेको छ ।

यसको अर्थ के यदि तपाईंसँग म्याकबुक छ भने त्यसमा सोनीको क्यामेरालाई वेबक्यामको रुपमा प्रयोग गर्न सक्नुहुनेछैन ।

सोनीका यी क्यामेरालाई बनाउन सकिनेछ वेबक्याम

अल्फा नाइन टु (Alpha 9 II)
अल्फा नाइन (Alpha 9)
अल्फा सेभेन आर फाइभ (Alpha 7R IV)
अल्फा सेभेन आर थ्री (Alpha 7R III)
अल्फा सेभेन आर टू (Alpha 7R II)
अल्फा सेभेन एस थ्री (Alpha 7S III)
अल्फा सेभेन एस टू (Alpha 7S II)
अल्फा सेभेन एस (Alpha 7S)
अल्फा सेभेन थ्री (Alpha 7 III)
अल्फा सेभेन टू (Alpha 7 II)
अल्फा सिक्स्टी सिक्स हण्ड्रेड (Alpha 6600)
अल्फा सिक्स्टी फोर हण्ड्रेड (Alpha 6400)
अल्फा सिक्स्टी वान हण्ड्रेड (Alpha 6100)
अल्फा फिफ्टी वान हण्ड्रेड (Alpha 5100)
आरएक्स हण्ड्रेड सेभेन (RX100 VII)
आरएक्स हण्ड्रेड सिक्स (RX100 VI)
आरएक्स जेरो टू (RX0 II)
आरएक्स जेरो (RX0)
भ्लग क्यामेरा जेडभी-वान (vlog camera ZV-1)

सफ्टवेयर डाउनलोड कसरी गर्ने ?

यहाँ क्लिक गर्नुहोस् र आफ्नो क्यामेराको मोडल नम्बर छनौट गर्नुहोस् । यति गरिसकेपछि तपाईंले त्यहाँ दिइएको अप्सनमार्फत सोनी ईमेजिङ एज वेबक्याम सफ्टवेयर डाउनलोड गर्न सक्नुहुनेछ । सफ्टवेयर डाउनलोड गरिसकेपछि प्रयोग गर्ने तरिका थाहा पाउन यहाँ क्लिक गर्नुहोस् ।