वडाध्यक्षमाथि हातपात गरेर भाइरल पत्रकार ऐश्वर्या कुँवर पक्राउ

काठमाडौं । कञ्चनपुरका वडाध्यक्षमाथि हातपात गर्ने पत्रकार ऐश्वर्या कुँवरलाई प्रहरीले पक्राउ गरेको छ । कुवँरलाई आइतबार नै पक्राउ गरी अभद्र व्यवहारको कसुरमा मुद्दा अघि बढाइएको जिल्ला प्रहरी कार्यालय कञ्चनपुरका प्रहरी नायब उपरीक्षक (डीएसपी) टेकबहादुर रावतले बताए । 

पत्रकार कुवँरले आइतबार भीमदत्त नगरपालिका १८ नम्बर वडाका अध्यक्ष रविन्द्र देवकोटामाथि सार्वजनिक कार्यक्रममै हातपात गरेको भिडियो सामाजिक सञ्जालमा भाइरल बनेको थियो । महेन्द्रनगरस्थित एक होटलमा आयोजित कार्यक्रममा वडाध्यक्ष र कुँवरबिच भनाभन परेको थियो । भनाभनकै क्रममा कुँवरले वडाध्यक्षमाथि हातपात गरेकी थिइन् ।

पछिल्लो अध्यावधिक: असार ८, २०८३ ११:१३

टिप्पणीहरू