२०७९, २६ श्रावण बिहिबार   |  
Thursday 11th August 2022

सरकारले पहिलोपटक सुरु गर्‍यो अनलाइन शपिङ, डेलिभरी निःशूल्क

काठमाडौं । सरकारले पहिलोपटक अनलाइन मार्फत खाद्यान्न बिक्री र डेलिभरीको सेवा दिन सुरु गरेको छ । उद्योग वाणिज्य तथा आपूर्ति मन्त्रालय अन्तर्गतको खाद्य व्यवस्था तथा व्यापार कम्पनीले बुधबारदेखी यस्तो सेवा सुरु गरेको हो ।

कम्पनीका अनुसार ग्राहकले अनलाइन मार्फत चामल, दाल, गेडागुडी, फापर, इन्डक्सन चुल्हो खरिद गर्न सक्नेछन् । अनलाइनमा अर्डर गरेको खाद्यान्न दुई दिनभित्र उपलब्ध गराइने कम्पनीले जनाएको छ ।

सेवाग्राहीले कम्पनीको वेबसाइट नेपाल फूड डट जीओभी डट एनपीमा गएर आवश्यक सामग्रीको अर्डर गर्न सक्नेछन् । अनलाइन सपिङका लागि न्युनतम २ हजार रुपियाँको खरिद गर्नुपर्नेछ । लकडाउन अवधिभर डेलिभरीको शूल्क नलिइने पनि कम्पनीले स्पस्ट पारेको छ ।

तत्कालका लागि यो सुविधा काठमाडौको चक्रपथभित्र मात्र उपलब्ध हुनेछ । भविष्यमा अन्य स्थानमा पनि यसलाई विस्तार गर्ने कम्पनीको लक्ष्य छ । सरकारले अत्यावश्यक सामग्री घरघरसम्म पुर्‍याउने उद्देश्यका साथ अनलाइन शपिङ सुरु गरेको हो ।

Logo
© 2019, All Rights Reserved with TechPana Media Pvt. Ltd.

टेकपाना मिडिया प्रा‍‍. लि.

अनामनगर, काठमाडौ
Email:  [email protected]
Web: techpana.com
फोनः  +977-01-5244861
सूचना विभाग दर्ता नं.  १५४१/७६-७७

सम्पादकः गोपाल साउद

विज्ञापनका लागि:
[email protected]
मोबाइलः ९८५१०४४४५८

Contact us | Our Team