नयाँ विद्यार्थीका लागि ब्रिटिश कलेजको ओरियन्टेशन कार्यक्रम
चैत ८, २०७७ १२:५२
काठमाडौँ । थापाथलीस्थित ‘द ब्रिटिश कलेज’ले नयाँ भर्ना विद्यार्थीहरुको लागि ओरियन्टेशन कार्यक्रम सम्पन्न गरेको छ । शुक्रबार सम्पन्न उक्त कार्यक्रममा मार्च इन्टेकको लागि भर्ना भएका विद्यार्थीहरुको सहभागिता रहेको थियो ।
लाजिम्पाटस्थित र्याडिसन होटलमा सो कार्यक्रम आयोजना भएको हो । बीएस्सी (हन्स) कम्प्युटिङ, बीबीए तथा बीएचएममा भर्ना भएका विद्यार्थीहरुलाई स्वागत गरिएको थियो ।
साे अवसरमा कलेजका एशोसियट डिन अरुणलाल जोशीले आफ्नो स्वागत मन्तव्य राख्दै कोभिड– १९ को अवस्था अझै सामान्य नबनेकाले यो समयमा स्वास्थ्य सतर्कतामा विशेष ध्यानाकर्षण गराएका थिए ।
साथै, उनले यो अवस्थामा पनि गुणस्तरीय शिक्षा प्रदान गर्नमा कलेजद्वारा कुनै पनि सम्झौता नहुने प्रतिबद्धता स्वागत मन्तव्यमा गरे । औपचारिक कार्यक्रमको समापन बीबीए प्रोगाम लिडर सौरभ सत्यालले गरेका थिए ।
कलेजमा हाल विद्यार्थीहरुको भौतिक उपस्थिति तथा अनलाइनबाट कक्षा लिइरहेको छ । एडमिसन तथा मार्केटिङ विभागका प्रमुख अमरदिप मण्डलले हाल बीबीए, बीएचएम र बिएस्सी कप्युटिङको भर्ना कार्यक्रम अझै चलिरहेको जानकारी दिए ।
उनले भौतिक उपस्थितिमा कक्षा लिइए पनि कलेजको हातामा अनिवार्य मापदण्ड अपनाउनुपर्ने व्यवस्था मिलाइएको जानकारी दिए ।
हालको अवस्थामा दैनिक रुपमा नयाँ संक्रमितको संख्या कम हुँदै गए पनि सरकारले तय गरेको मापदण्डलाई लागू गर्दै सुरक्षित तरिकाले ओरियन्टेशन कार्यक्रम सम्पन्न भएको हो ।
कार्यक्रममा सहभागीहरु सबैले मास्कदेखि स्यानिटाइजर सम्मका सबै प्रविधिहरू प्रयोग भएका थिए । त्यसैगरी कार्यक्रम स्थलमा पनि भौतिक दूरी कायम गरिएको थियो ।
पछिल्लो अध्यावधिक: असोज २, २०७९ २२:३१
