‘इलुमिनेट क्रु’ बन्यो पब्जी गेमको नेसनल च्याम्पियन, पायो १३ लाख बढी नगद पुरस्कार
पुस ७, २०७९ १९:३५
काठमाडौं । पब्जी मोबाइल नेसनल च्याम्पियनशिप (पीएमएनसी) नेपाल २०२२ को उपाधि ‘इलुमिनेट क्रु’ ले जितेको छ । १२ खेलमा दुई चिकेन डिनर ८६ एलिमिनेसन पोइन्ट सहित कुल १९० पोइन्ट बटुलेर ‘इलुमिनेट क्रु’ पीएमएनसी २०२२ को विजेता बनेको छ ।
उपाधि जितेसँगै यो टिमले १० हजार डलर (करिब १३ लाख नेपाली रुपैयाँ) नगद पुरस्कार पाएको छ । त्यस्तै फाइनल चरणकाे पहिलो दिनका खेलमा सबै टिममाथि हावी बनेको ‘लियो ग्याङ्स्टर’ उपविजेता बन्याे । ‘लियो ग्याङ्स्टर’ले तीन चिकेन डिनर, ७७ एलिमिनेसन पोइन्ट सहित कुल १५८ पोइन्ट ल्याएको छ ।
याे टिमले पाँच हजार डलर (करिब साढे छ लाख नेपाली रुपैयाँ) जित्याे ।
त्यस्तै १३२ पोइन्ट सहित ‘एब्रप्ट स्लेयर’ तेस्रो स्थानमा रहन सफल भयाे । ‘एब्रप्ट स्लेयर’ले ३५ सय डलर (करिब साढे चार लाख नेपाली रुपैयाँ) हात पारेकाे छ ।
यसका साथै ‘इलुमिनेट क्रु’, ‘लियो ग्याङ्स्टर’ र ‘एब्रप्ट स्लेयर’ ‘पब्जी मोबाइल प्रो लिग साउथ एसिया स्प्रिङ २०२३’ को लागि पनि छनोट भएका छन् ।
पछिल्लो अध्यावधिक: पुस ७, २०७९ १९:३६
