आईओएस १६.४ मा यसरी प्रयोग गर्नुहोस् लक स्क्रिन सर्टकट
चैत १८, २०७९ १९:१७
काठमाडौं । केही दिन अगाडि मात्र एप्पलले आफ्नो डिभाइसको लागि आईओएस १६.४ अपडेट सार्वजनिक गरेको छ । कम्पनीले यो अपडेटसँगै सर्टकटका लागि केही नयाँ फिचरहरू थप गरेको छ । ती मध्ये एउटा आईफोन लक स्क्रिन सर्टकट हो । यो फिचर प्रयोगकर्ताको लागि निकै उपयोगी हुने अपेक्षा गरिएको छ ।
यो फिचरसँगै प्रयोगकर्ताहरूले अब आफ्नो स्क्रिन लक गरेर पनि विभिन्न फिचरहरू सर्टकर्ट मार्फत प्रयोग गर्न सकिने भएको छ । साथै यसले साइड बटन क्लिक नगरी फोन लक गर्नको लागि प्रयोगकर्तालाई सहज बनाएको छ ।
आईफोनमा यसरी सेटअप गर्नुहोस् लक स्क्रिन सर्टकट:
-
सबैभन्दा सुरुमा तपाईँको आईफोनमा आईओएस १६.४ इनस्टल भइसकेको छ वा छैन यकिन गर्नुहोस् । यदि इनस्टल भइसकेको छ भने मोबाइलमा भएको सर्टकट एप खोल्नुहोस् ।
-
स्क्रिनको सबैभन्दा माथि दायाँतिर भएको (+) चिन्हमा क्लिक गर्नुहोस् ।
-
एड एक्सनमा क्लिक गरेर सर्च बारमा लक स्क्रिन (lock screen) टाइप गर्नुहोस् र त्यहाँ लक द स्क्रिन भन्ने अप्सन देखिएपछि डनमा क्लिक गर्नुहोस् ।
योसँगै तपाईँले आफ्नो लक स्क्रिनलाई आफ्नो इच्छा अनुसार विभिन्न स्टाइलमा कस्टमाइज गर्न सक्नुहुन्छ ।
पछिल्लो अध्यावधिक: चैत १८, २०७९ १९:१७
