काठमाडौं । फिनटेकफ्राइडेको आगामी कार्यक्रममा मचनेटका सहसंस्थापक बालकृष्ण जोशीले प्रस्तुति दिने भएका छन् । राजधानीमा यही अप्रिलको पहिलो शुक्रबार (७ अप्रिल) का दिन हुने कार्यक्रममा जोशीले सीमा रहित बैंकिङ विषयमा आफ्नो प्रस्तुति दिने भएका हुन् ।
फिनटेक अलायन्स नेपालले फिनटेक अर्थात वित्तीय प्रविधिका विविध विषयमा चर्चा परिचर्चा, सहकार्य, ज्ञान तथा अनुभव आदानप्रदानको रुपमा यही मार्चदेखि फिनटेकफ्राइडे आयोजना गर्न सुरु गरेको हो । हरेक महिनाको पहिलो शुक्रबार आयोजना हुने यो कार्यक्रममा तपाईं पनि सहभागी बन्न सक्नु हुनेछ ।
तर यसका लागि तपाईंले यहाँ क्लिक गरी रजिस्टर गराउनु पर्ने हुन्छ । सहभागीहरूका लागि सिट सीमित रहेकाले सुरुमा दर्ता गर्नेहरूलाई प्राथमिकता दिइने आयोजकले जनाएको छ ।