ग्राभिटी लाइफ स्टाइलको नयाँ इयरबड, मूल्य १९५० रुपैयाँ
कात्तिक २४, २०८० २१:५७
काठमाडौं । नेपाली इलेक्ट्रोनिक्स ब्रान्ड ग्राभिटी लाइफस्टाइलले आज राति एयर बडको नयाँ मोडल सार्वजनिक गर्ने भएको छ । दराज ११:११ सेलको अवसर पारी कम्पनीले एयरशट ब्यास बड्स प्रो नामक नयाँ इयरबड सार्वजनिक गर्न लागेकाे हो ।
आईपीएक्स फाइभ रेटिङ प्राप्त यस इयरबडमा ब्लुटुथ भर्सन ५.३ र टाइप-सी चार्जिङ पोर्ट दिइएको छ । इयरबडलाई लगातार पाँच घण्टा चलाउन सकिने कम्पनीले जनाएको छ । केस सहित भने ४० घण्टासम्म चलाउने कम्पनीको दाबी छ ।
त्यस्तै यसमा गेमिङ र म्युजिङ गरी दुई ओटा मोड रहेका छन् । साथै नोइज क्यान्सिलेसन सहितको माइक समेत दिइएको छ ।
बजारमा रोयल ब्लु र आस ब्ल्याक गरी दुई रङमा उपलब्ध इयरबडकाे सुरूवाती मूल्य १९५० रुपैयाँ हुने कम्पनीले जनाएको छ । तर ग्राहकले छुट भाउचर पाए १७५० रुपैयाँमा नै यो इयरबड खरिद गर्न सक्नेछन् ।
यस इयरबड सहित कम्पनीका अन्य उत्पादन हेर्न यहाँ क्लिक गर्नुहोस् ।
पछिल्लो अध्यावधिक: कात्तिक २४, २०८० २१:५७
