अब एक्समा पोस्ट गर्न नयाँ प्रयोगकर्ताले शुल्क तिर्नुपर्ने

बैशाख ४, २०८१ १२:१५

काठमाडौं । नक्कली अकाउन्टबाट मुक्ति पाउनका लागि एलन मस्कले एक्समा नयाँ अकाउन्टबाट शुल्क लिने योजना बनाएका छन् । सोमबार एक्स डेली नामक अकाउन्टमा रिप्लाई दिंदै मस्कले एक्सका नयाँ प्रयोगकर्ताबाट सीमित शुल्क लिने योजना बनाइएको खुलाएका हुन् ।

मस्कले आफ्नै रिप्लाईमा आएको अर्को प्रतिक्रिया दिंदै अकाउन्ट बनाएको तीन महिनापछि मात्र शुल्क नलाग्ने उनको भनाई छ । अहिलेसम्म कम्पनीले यो नियम कहिलेदेखि सुरु हुन्छ विषयमा भन्ने स्पष्ट जानकारी बाहिर ल्याएको छैन ।

गत अक्टोबरमा कम्पनीले भेरिफाइड नभएका प्रयोगकर्ताबाट न्युजिल्यान्ड र फिलिपिन्समा एक वर्षको १ डलर लिन सुरु गरेको थियो । यी क्षेत्रमा रहेका नयाँ प्रयोगकर्ताले पोस्ट हेर्न त पाएका छन्, तर उनीहरूलाई त्यसमा लाइक, रिप्लाई गर्न भने दिइएको छैन । कन्टेन्ट पोस्ट गर्न, लाइक, रिप्लाई वा रिपोर्ट गर्न, बुकमार्क तथा कोट पोस्ट गर्न उनीहरूले शुल्क तिर्नुपरेको छ ।

मस्कले अन्य क्षेत्रमा पनि यो फिचर विस्तार गर्ने योजना बनाइएको बताएका छन् । अप्रिलको सुरुवाततिर कम्पनीले स्पाम अकाउन्टले निम्त्याउने प्रमुख समस्या पहिचान गरिरहेको जनाएको थियो ।

त्यस क्रममा कम्पनीले फलोअरको सङ्ख्या घट्न सक्ने जानकारी समेत दिएको थियो । त्यसको केही समयपछि कतिपय प्रयोगकर्ताको अकाउन्टमा फलोअरको सङ्ख्या घटेको थियो ।

Part of what makes X special is that anyone can just post without paying

We definitely need to stop the bots, but what about having the option to pay OR do something extremely computationally expensive (like mining some dogecoin or something) https://t.co/F1FGNsYU5S