टेलिकमका ग्राहकले १ रुपैयाँमै कसरी हेर्ने नेपाली फिल्म ‘नाङ्गो गाउँ’ ?

काठमाडौं । नेपाल टेलिकमले शनिवार एक रुपैयाँमै नेपाली फिल्म देखाउने भएको छ । कम्पनीले आफ्नो आईपीटिभी सेवा एनटीटिभी (NTTV) मा एक रुपैयाँमा ‘नाङ्गो गाउँ’ फिल्म देखाउन लागेको हो ।

यसका लागि ग्राहकले एनटीटीभीको मुभी सेक्सनबाट चलचित्र खरिद गर्नुपर्ने हुन्छ । एनटीटीभीमा ‘नाङ्गो गाउँ’ हेर्न ग्राहकले २४ घण्टाको अवधि पाउनेछन् । चलचित्र हेर्न नेपाल टेलिकमको मोबाइल ब्यालेन्सबाटै पैसा काटिने छ ।

आईपीटिभी सेवा अन्तर्गत सब्सक्रिप्सन मोडेलमा जान पहिलो पटक यस्तो कदम चालेको कम्पनीले जनाएको छ । एनटीटिभीबाट फिल्म हेर्न तलको प्रक्रिया अपनाउनुहोस्:

• एनटीटीभीको ‘मुभी सेक्सन’मा जानुहोस् ।
• ‘वान डे मुभी रुपिज वन’मा क्लिक गर्नुहोस् ।
• ‘बाई अप्सन’मा क्लिक गर्नुहोस् ।
• नेपाल टेलिकमको आफ्नो मोबाइल नम्बर राख्नुहोस् ।
• एक रुपैयाँ बुझाउनुहोस् (जुन नेपाल टेलिकमको मोबाइल ब्यालेन्सबाट कटौती हुनेछ) ।
• मोबाइल नम्बरमा वन टाइम पासवर्ड (ओटीपी) प्राप्त गर्नुहुनेछ, प्राप्त ओटीपी राखेर प्रमाणीकरण गर्नुहोस् ।

 एउटै अप्टिकल फाइबरमा टेलिफोन, इन्टरनेट र टिभी उपलब्ध गराउने योजना अनुरूप कम्पनीले एनटीटिभी सेवा सञ्चालन गरिरहेको छ ।

पछिल्लो अध्यावधिक: साउन १२, २०८१ १४:२५

टिप्पणीहरू