सुदूरपश्चिमाञ्चल विश्वविद्यालयमा खुल्यो सीएसआईटी र इन्जिनियरिङको भर्ना
साउन २४, २०८१ १२:२६
काठमाडौं । सुदूरपश्चिम विश्वविद्यालयले शैक्षिक सत्र २०८१/८२ का लागि सीएसआईटी र इन्जिनियरिङमा भर्ना गखुला रेको छ । बुधबार एक सूचना प्रकाशित गर्दै विश्वविद्यालयले स्नातक तहका प्राविधिक लगायतका अन्य विषयमा भर्ना खुलाएको हो ।
भर्ना खुला भएका विषयहरूमा शिक्षाशास्त्र सङ्कायमा बीएड सीएसआईटी, विज्ञान तथा प्रविधि संकायमा बीएससी सीएसआईटी, इन्जिनियरिङमा बीई कम्प्युटर र बी आर्किटेक्चर लगायत छन् । यी कार्यक्रममा भर्ना हुन विश्वविद्यालयले लिने प्रवेश परीक्षा उत्तीर्ण गर्नुपर्छ ।
विश्वविद्यालयका अनुसार प्रवेश परीक्षा भदौ अन्तिम सातामा हुनेछ भने विद्यार्थी भर्ना कार्यक्रम असोज दोस्रो सातासम्म चल्नेछ । त्यसै गरी पठनपाठन प्रारम्भ कात्तिक २० गतेदेखि हुनेछ ।
अनलाइन आवेदनका लागि भने चाँडै सङ्कायहरूले अर्को सूचना प्रकाशन गर्ने विश्वविद्यालयका सूचना अधिकृत सन्तोष विष्टले जानकारी दिए । त्यसका लागि केही समय लाग्ने उनको भनाइ छ । विश्वविद्यालयको एकीकृत भर्नाको सूचना हेर्न यहाँ क्लिक गर्नुहोस् ।
पछिल्लो अध्यावधिक: साउन २४, २०८१ १४:३५
