आउँदो माघ २४ देखि राजधानीमा क्यान इन्फोटेक मेला
पुस १४, २०७९ १६:१३
काठमाडौं । कम्प्युटर एसोसिएसन नेपाल महासंघ (क्यान महासंघ) को आयोजनामा आउँदो माघ २४ गतेदेखि २८औं संस्करणको 'क्यान इन्फोटेक २०२३' हुने भएको छ ।
सूचना तथा सञ्चार प्रविधि क्षेत्रमा विकास भएका नयाँ-नयाँ प्रविधि प्रदर्शनी गर्ने उद्देश्यले भृकुटीमण्डपस्थित प्रदर्शनीहलमा ६ दिने मेला गर्न लागिएको हो ।
यसका लागि चाँडै नै प्रायोजक एवं स्टल बुकिङ खुलाउने तयारी भइरहेको महासंघका अध्यक्ष रणजित पोदारले जानकारी दिए ।
उनका अनुसार क्यान इन्फोटेकमा सूचना प्रविधिका विभिन्न वस्तु र सेवाको विशेष ब्रान्डिङ हुनेछ ।
पछिल्लो अध्यावधिक: पुस १४, २०७९ १६:४३
