आईटी नवप्रवर्तनमा आधारित उद्योगका लागि लचिलो श्रम नीति बनाउँदै सरकार
जेठ १६, २०८० १७:३०
काठमाडौं । सरकारले सूचना प्रविधि र नवप्रवर्तनमा आधारित उद्योगका लागि लचिलो श्रम नीति अवलम्वन गर्ने भएको छ ।
साेमबार अर्थमन्त्री डा. प्रकाशशरण महतले प्रस्तुत गरेकाे आगामी आर्थिक वर्ष २०८०/८१ को बजेट भाषणमा यस्तो नीति अवलम्बन गर्ने विषय पनि समावेश छ ।
सूचनामा प्रविधिमा आधारित नवप्रवर्तनका काममा स्पष्ट कानूनी व्यवस्था नहुँदा यहाँका कम्पनी र जनशक्तिले प्राेत्साहन नपाएकाे र पर्याप्त नियमन हुन नसकिरहेको गुनासाे बढ्दाे छ । त्यस्तै राज्यले समेत करोडौं रुपैयाँ गुमाइरहेको स्थिति छ ।
यसका लागि विद्यमान श्रम कानूनमा आवश्यक संशोधन गर्ने सरकारी तयारी छ ।
त्यस्तै उद्योगमा स्वच्छ ऊर्जा तथा हरित प्रविधिको उपयोगलाई प्रोत्साहन गर्न प्रविधि विकास कोषमार्फत अनुदान प्रदान गर्ने घोषणा समेत बजेट मार्फत गरिएको छ ।
पछिल्लो अध्यावधिक: जेठ १६, २०८० १७:३०
