ट्रेन्डिङ:
कुन कारणले स्लो भयो तपाईंको इन्टरनेट, यसरी थाहा पाउनुहोस् अनलाइनबाटै ड्राइभिङ लाइसेन्स नवीकरण गर्ने बाटो खुल्यो, ई-सेवा र खल्तीलाई स्वीकृति सरकारले खारेज गर्‍यो सुमार्गीको टेलिकम कम्पनी हेलो मोबाइलको लाइसेन्स अनरको नयाँ सस्तो स्मार्टफोन एक्स सिक्स नेपाली बजारमा, यस्तो छ मूल्य, फिचर अनि अफर अनलाइनमा यसरी आफैं बनाउनुहोस् आकर्षक शुभकामना कार्ड माछापुच्छ्रेको मोबाइल तथा इन्टरनेट बैंकिङबाटै तलव भुक्तानी गर्न सकिने ‘नेपाल टेलिकमको भविष्यका लागि कमल थापासँग टक्कर लिएँ’ गोपनीयता भंग गरेको भन्दै टिकटकलाई झन्डै ४ अर्ब जरिवाना मोबाइलमा भिडिओ इडिट गर्न कुन होला उपयोगी एप ? सीजी टेलिकमको लाइसेन्स खारेज
close

कुन कारणले स्लो भयो तपाईंको इन्टरनेट, यसरी थाहा पाउनुहोस्

टेकपाना टेकपाना

बैशाख ७, २०७९

कुन कारणले स्लो भयो तपाईंको इन्टरनेट, यसरी थाहा पाउनुहोस्

काठमाडौं । वेबसाइट विस्तारै लोड हुनु, अनि डाउनलाेडका लागि लामाे समय लाग्नु । यो जस्तो पट्यार लाग्दाे काम अरू के हुनसक्छ ? उच्च गतिकाे इन्टरनेटका लागि पैसा तिरेपनि स्लाे इन्टरनेटकाे समस्या भोग्ने तपाईंमात्र एकजना पक्कै हुनुहुन्न ।

यहाँ धेरै प्रयोगकर्ता छन्, जसले समान समस्या भोगिरहेका छन् । यस्तो हुनुमा धेरै कारण हुनसक्छन् ।

तपाईंको इन्टरनेट नेटवर्क घर छेउछाउका कसैले चोरी गरेर प्रयोग गरिरहेका पनि हुनसक्छन् । त्यसैले इन्टरनेट प्रयोग गर्दा आफ्नो नेटवर्कसँग कनेक्ट भएका डिभाइस कुन-कुन छन् भनेर हेर्न नभुल्नुहाेस् ।

तपाईंको आफ्नै इन्टरनेट सेवा प्रदायकका कारण पनि इन्टरनेट स्लो भइरहेको हुनसक्छ ।

त्यहाँ अर्को कारण पनि हुनसक्छ, जुन तपाईंले सोच्नुभएको छैन । इन्टरनेट सेवा प्रदायकले नै तपाईंको इन्टरनेट स्लो गरिरहेको हुनसक्छ । यो थाहा पाउनका लागि तपाईंले भीपीएनको सहयोग लिन सक्नुहुन्छ ।

उपयुक्त भीपीएन छनौट गर्नुहोस् 

भीपीएनले तपाईंको डिभाइस र इन्टरनेट सामग्रीबीचमा भएको दूरीलाई प्रयोगकर्ताको पहिचानलाई गोप्य राख्दै मेटाउने कोशिश गर्छ । सामान्यतया निःशुल्क रुपमा उपलब्ध हुने भीपीएनहरूको विश्वसनीयतामा शंका हुन्छ ।

निःशुल्क रुपमा प्राप्त हुने धेरैजसो भीपीएनहरूले प्रयोगकर्ताको व्यक्तिगत विवरण चोरी गरेर बिक्री पनि गर्ने गरेका छन् । यसले गर्दा तपाईंलाई धेरै स्प्याम ईमेलहरू पनि आउने गरेका छन् ।

त्यही भएर सकेसम्म पैसा नै तिरेर भएपनि राम्रो र विश्वासिलो भीपीएन प्रयोग गर्नु उपयुक्त हुन्छ । भीपीएन छनौट गर्दा आफ्नो व्यक्तिगत विवरणहरूको गोपनीयता र सुरक्षाको प्रत्याभूत गराउनसक्ने भीपीएन छनौट गर्नुपर्छ । 

आईएसपीले के बदमासी गरिरहेको छ ?

आफूलाई उपयुक्त भीपीएन छनौट गरिसकेपछि आफ्नो इन्टरनेटको स्पिड टेस्ट गर्नुहोस् ।

-गुगलमा उपलब्ध विभिन्न इन्टरनेट स्पिड टेस्ट गर्ने वेबसाइटमार्फत स्पिड टेस्ट गर्न सकिन्छ । अहिले नै निकै नै लोकप्रिय भएको स्पिड टेस्ट साइट ‘speedtest.net’ रहेको छ । यसले तपाईंको लोकेसनको नजिकैको सर्भरलाई स्वतः डिटेक्ट गर्छ ।

-सुरुमा सामान्य रुपमा तपाईंको आफ्नै सर्भरको इन्टरनेट स्पिड टेस्ट गर्नुहोस् । त्यसपछि अरू ठाउँहरूको सर्भर छानेर इन्टरनेट स्पिड टेस्ट गर्नुहोस् ।

-यसले तत्काल तपाईंको इन्टरनेट कनेक्सनको पिङ, अप्लोड र डाउनलोड स्पिडको जानकारी दिन्छ । उक्त सबै जानकारीहरू टिपेर राख्नुहोस् ।

-यसपछि तपाईंको भीपीएन अन गर्नुहोस् र फेरि इन्टरनेटको स्पिड टेस्ट गर्नुहोस् । यसले भीपीएन प्रयोग गर्दा र भीपीएन प्रयोग नगर्दा तपाईंको इन्टरनेट स्पिडको फरक देखाउँछ ।

धेरैजसो अवस्थामा, डिभाइसमा भीपीएन कनेक्ट हुँदा इन्टरनेटको गति अलि कम हुनेगर्छ । भीपीएनले आईपी एड्रेस लुकाउँछ, जुन तपाईंको इन्टरनेट सेवा प्रदायकले नेटवर्क कसलाई जोडिएको छ भनेर हेर्न प्रयोग गर्दछ ।

यसको अर्थ यदि तपाईंको इन्टरनेटको स्पिड भीपीएन प्रयोग नगर्दा पनि स्लो भएको छ भने तपाईंको सेवा प्रदायकले आफैं इन्टरनेट स्लो गर्देको हुनसक्छ ।