close

सुरू भयो डिशहोमको क्याम्पस वाई-फाई, एकैपटक २ सय जनासम्मले इन्टरनेट चलाउनसक्ने

टेकपाना टेकपाना

बैशाख १०, २०७९

सुरू भयो डिशहोमको क्याम्पस वाई-फाई, एकैपटक २ सय जनासम्मले इन्टरनेट चलाउनसक्ने

काठमाडौं । डिशहोम फाइबरनेटले धेरैजना मानिस भएको क्षेत्रका लागि उपयोगी हुने इन्टरनेट प्रविधि क्याम्पस वाई-फाई सोलुसन बजारमा ल्याएको छ ।

भृकुटीमण्डपमा जारी सूचना प्रविधि मेला क्यान इन्फोटेकमा शनिबार यो प्रविधिको कम्पनीले लन्च गरेको हो । कम्पनीका प्रबन्ध निर्देशक सुदीप आचार्यले डिशहोम फाइबलनेटको स्टलमा आयोजित कार्यक्रममा सिक्सजी प्रविधिमा आधारित ह्वावे प्रविधिको राउटर सार्वजनिक गरे ।

उनले यस किसिमको प्रविधि ल्याउने डिशहोम पहिलो रहेको बताउँदै यसअघि पनि धेरै प्रविधि भित्र्याउन आफूहरु पहिलो हुने गरेको अनुभव सुनाए ।

आचार्यले डेढ वर्षको छोटो अवधिमा डिशहोम फाइबरनेटका एक लाख २० हजार ग्राहक पुगेको बताउँदै आज सार्वजनिक गरिएको नयाँ प्रविधि भविष्यलाई दृष्टिगत गरेर आफूहरुले लन्च गरेको बताए ।

डीटीएच (डाइरेक्ट टू होम) प्रविधिमा टेलिभिजन सुरु गर्दा पनि आफूहरुले भविष्य हेरेर नै गरेको र सो प्रविधि अहिले लोकप्रिय रहेको उदाहरण दिँदै उनले क्याम्पस वाई-फाई सोलुसन्स पनि उपभोक्ताको आवश्यक र रुचीमा पर्ने विश्वास व्यक्त गरे

डिशहोमले ल्याएको क्याम्पस वाई-फाई सिक्स विशेषगरी धेरै मानिस काम गर्ने बैंक, बीमा, सरकारी कार्यालय, विद्यालय तथा क्याम्पस, होटल, रेष्टुरेन्ट आदि जस्ता शैक्षिक संस्था, विज्ञान तथा अनुसन्धानमूलक संस्था, व्यवसायिक संस्था, सुपरमार्केट, रंगशालाका लागि उपयोगी हुन्छ ।

उच्च क्षमताको यो वायरलेस प्रविधिले एकल नेटवर्कमा विशेष क्षेत्रभित्र सिग्नल फैलाउन सशक्त भूमिका खेल्छ । क्याम्पस वाई-फाई सोलुसन्सका लागि आउने एक्सेस प्वाइन्ट डिभाइस (एपी) धेरै प्रकारका हुन्छन् ।

यो वाई-फाई सिक्स प्रविधिमा आधारित भएकाले यसमा एआई (आर्टिफिसियल टेक्नोलोजी) पनि हुन्छ । एआईले व्याण्डविथलाई अटो क्याप गरिदिने भएकाले चलिरहेको कुनै वेबसाइट, भिडिओ अवरुद्ध हुन पाउँदैन् ।

यसमा सिमलेस रोमिङ हुने भएकाले एउटा राउटरबाट अर्को राउटरमा जाँदा गरिरहेको फोन काट्टिन पाउँदैन् । अटो स्वीच भएर अटो कनेक्ट हुने डिशहोम फाइबरनेटका प्राविधिकहरुको भनाइ छ ।