काठमाडौं । डिजिटल वालेट ईसेवामा भएको रकम अब एभरेष्ट बैंकको एटीएमबाट निकाल्न सकिने भएको छ । बुधबार ललितपुरमा आयोजित एक कार्यक्रममा ईसेवा र एभरेस्ट बैंकबीच 'कार्डलेस ट्रान्जेक्सन'का लागि सम्झौता भएको हो ।
यसअन्तर्गत ईसेवा प्रयोगकर्ताले एभरेष्ट बैंकको एटीएम मेसिनबाट बिना सेवा शुल्क दैनिक पाँच हजार रुपैयाँसम्म निकाल्न सक्नेछन् । हाललाई यो भन्दा बढी रकम निकाल्ने व्यवस्था भने छैन ।
एभरेष्ट बैंकको एटीएमबाट कसरी निकाल्ने ईसेवाको पैसा ?
- सबैभन्दा पहिले ईसेवा एप खोल्नुहोस् ।
- त्यसपछि होमपेजमा रहेको 'एटीएम विथड्र' (ATM Withdraw) को अप्सन छान्नुहोस् ।
- अनि एभरेष्ट बैंकको नाम छान्नुहोस् ।
- यति गरेपछि आफूले निकाल्न चाहेको रकम टाइप गर्नुहोस् (तर, ५०० को गुणन सङ्ख्या मात्र राख्न पाइन्छ । एक पटकमा पाँच हजारभन्दा बढी रकम निकाल्न मिल्दैन ) ।
- यति गरेपछि 'पर्पोजमा गई किन निकाल्न लागेको भन्ने अप्सन छान्नुहोस् ।
- अनि रिमार्क लेखेर प्रोसिडको बटनमा ट्याप गर्नुहोस् ।
- यति गरेपछि कन्फर्म (Confirm)को बटनमा ट्याप गर्नुहोस् । अनि आफ्नो पीन नम्बर राखेर पुनः कन्फर्म (Confirm) को बटनमा ट्याप गर्नुहोस् । यति गरेपछि तपाईंको डिभाइसमा एउटा ओटीपी कोड आउँछ ।