क्यानको फेसबुक पेजमा ‘कपिराइट क्लेम’ आएपछि पीएम कपको प्रत्यक्ष प्रसारण रोकियो
माघ ९, २०८० १२:४५
काठमाडौं । नेपाल क्रिकेट संघ (क्यान)को फेसबुक पेजमा कपिराइट क्लेम आएपछि जारी प्रधानमन्त्री कप पुरुष राष्ट्रिय क्रिकेट प्रतियोगिता (पीएम कप)को प्रत्यक्ष प्रसारण रोकिएको छ ।
एक सूचनामार्फत क्यानले आफ्नो फेसबुक पेजमा पीएम कपको प्रत्यक्ष प्रसारण अस्थायी रूपमा स्थगित भएको जानकारी दिएको हो । फेसबुक पेजमा कपिराइट दाबी गरिएका कारण प्रत्यक्ष प्रसारणमा समस्या आएको क्यानको भनाइ छ ।
समस्या समाधान गर्न काम गरिरहेको र जतिसक्दो चाँडो खेलको प्रत्यक्ष प्रसारण गर्ने क्यानले जनाएको छ । क्यानको आधिकारिक युट्युब च्यानलमा भने पीएम कपको नियमित प्रत्यक्ष प्रसारण भइरहेको छ ।
पछिल्लो अध्यावधिक: माघ ९, २०८० १४:१७
